Avqustun 3-də Azərbaycan məhkəməsi “Azadlıq” radiosunun ona qarşı irəli sürülmüş vergi iddialarından şikayətinə baxacaq. Bu barədə “Azadlıq” radiosunun məlumatında deyilir.
Hakimiyyət 2014-cü ilin dekabrında məhz bu iddialara əsaslanaraq “Azadlq” radiosunun Bakı bürosunu bağlayıb.
“İqtisad məhkəməsi bizə qarşı irəli sürülmüş iddiaların əsassızlığı barədə qərar çıxarmalı, prokuror ləngimədən Bakı bürosunun dondurulmuş bank hesablarının açılması, şirkətin 2014-cü ilin dekabrından müsadirə edilmiş möhür, ştamp və sənədlərinin qaytarılması, Bakı bürosu əməkdaşlarının şəxsi bank hesablarının açılması və bizim, Azərbaycan xalqına müstəqil xəbər və məlumatları çatdırmaq kimi jurnalist missiyamızı davam etdirməyimiz üçün müvafiq tədbirləri görməlidir”, - “Azadlıq” radiosunun prezidenti Thomas Kent bildirib.
“Azadlıq” radisounun məlumatında deyilir ki, bu ilin əvvəlində Azərbaycan Ali Məhkəməsi “Azadlıq” radiosunun jurnalisti Xədicə İsmayılovaya qarşı irəli sürülmüş iki ittihamı ləğv etməklə “Azadlq” radiosunun Bakı bürosuna qarşı iki iddiaya da xitam vermiş olub. Xədicə İsmayılova may ayında azadlığa buraxılıb.
“Azadlıq” radiosuna qarşı qüvvədə qalan iki iddiadan biri ABŞ-ın qeyri-mənfəət təşkilatlarının vergidən azad edilməsini nəzərdə tutan ikitərfli vergi müqaviləsinin Azərbaycan hökuməti tərəfindən yozumu ilə bağlıdır. İkinci iddia jurnalistlərin akkreditasiyası ilə bağlıdır ki, bu məsələyə də bu il iyulun 1-də baxılıb və “Azadlıq” radiosunun heç bir qaydanı pozmadığı bəlli olub.
Azərbaycan hökumətinin 2014-cü il dekabrın 26-da keçirdiyi reyddən sonra 2015-ci ilin mayında “Azadlıq” radiosu öz Bakı bürosunu bağlamağa məcbur edilib.
Həmin vaxt prokurorluğun müstəntiqləri şirkətin mülkiyyətini müsadirə edib, onların vəkillə təmsil olunmasına imkan vermədən 20-dək əməkdaşı dindirib, işçilərə səfər qadağanı qoyub, aydınlaşdırılmamış əsaslarla, verği təftişi adı ilə şirkətin və onun işçilərinin şəxsi bank hesablarının dondurulmasına göstəriş veriblər.
Bu reyddən cəmi bir neçə həftə əvvəl Azərbaycan prezidenti İlham Əliyevin administrasiyasının başçısı ölkənin rəsmi mediasında “Azadlıq” radiosu jurnalistlərini casus və ölkənin milli təhlükəsizliyinə hədə adlandıran bəyanat verib.
Bakı bürosunun bağlanmasına baxmayaraq, “Azadlıq” radiosu peyk rabitəsi və İnternet vasitəsilə Azərbaycandakı auditoriyası ilə fəal təmasını davam etdirib.
2016-cı ilin ilk altı ayı ərzində “Azadlıq” radiosunun İnternet saytına ayda 1,5 milyon giriş və YouTube kanalında 20 milyondan artıq baxış qeydə alınıb.-03D-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz