Bakı/20.02.20/Turan: Azərbaycan Beynəlxalq İnkişafa Yardım Agentliyi (AİDA) Antiqua və Barbudanın yardım müraciətinə cavab olaraq bu ölkəyə tibbi ləvazimat göndərib.
Humanitar yardım Azərbaycanın Böyük Britaniyadakı səfiri Tahir Tağızadə tərəfindən Antiqua və Barbudanın Londondakı ali komissarı xanım Karen-Mae Hilə təqdim edilib.
Azərbaycan XİN mətbuat xidmətinin məlumatına görə, Karen-Mae Hil yardıma görə minnətdarlığını bildirib, öz ölkəsinin Azərbaycanla diplomatik əlaqələri inkişaf etdirməyə hazır olduğunu nəzərə çatdırıb.
Antiqua və Barbuda Karib dənizində 90 min nəfərə yaxın əhalisi olan kiçik ada dövlətdir.–06D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz