Azərbaycan AŞPA-nı sentyabrın 1-də keçiriləcək parlament seçkilərinə dəvət etməyib
Avropa Şurası Parlament Assambleyasına sentyabrın 1-də Azərbaycan Milli Məclisinə keçiriləcək növbədənkənar seçkiləri müşahidə etmək üçün dəvət göndərilməyib. Bu barədə Turan agentliyinə Xarici İşlər Nazirliyinin rəsmi nümayəndəsi Ayxan Hacızadə məlumat verib.
O, bu qərarın səbəblərini şərh etməyib. Eyni zamanda Hacızadə bildirib ki, seçkilərin monitorinqi üçün ATƏT DTİHB, MDB, İslam Əməkdaşlıq Təşkilatı, GUAM, Şanxay Əməkdaşlıq Təşkilatı, Türk Dövlətləri Təşkilatına dəvət göndərilib.
Qeyd edək ki, Azərbaycan AŞPA nümayəndə heyətini bu ilin fevralında keçiriləcək növbədənkənar prezident seçkilərini müşahidə etmək üçün dəvət etməyib.
AŞPA nümayəndə heyətini dəvət etməkdən imtina Azərbaycan nümayəndə heyətinin AŞPA-dakı səlahiyyətlərinə 1 il müddətinə xitam verilməsinin səbəblərindən biri olub.
Siyasət
-
Gürcüstanın Miqrasiya Departamenti azərbaycanlı fəal Avtandil Məmmədova siyasi sığınacaq verməkdən imtina edib və Tbilisi Şəhər Məhkəməsi bu qərarı təsdiqləyib. Bu barədə “Turan”a Məmmədovun özü məlumat verib.
-
İyulun 29-da Bakı Apellyasiya Məhkəməsi hakim Həsən Əhmədovun sədrliyi ilə keçmiş diplomat Emin İbrahimov barəsində həbs qətimkan tədbiri seçilməsi barədə qərarından verdiyi şikayəti təmin etməyib.
-
Baş nazir Əli Əsədovun rəhbərlik etdiyi Azərbaycan nümayəndə heyəti İranın yeni seçilmiş prezidenti Məsud Pezeşkiyanın andiçmə mərasimində iştirak etmək üçün iyulun 30-da Tehrana səfər edəcək.
-
Azərbaycanda Penitensiar Xidmətin Müalicə müəssisəsində saxlanılan, 46 gündür aclıq aksiyası keçirən İstanbul Universitetinin doktorantı Fazil Qaımov bu gün ona qarşı irəli sürülən ittihamın əsasız olması və bu səbəbdən cinayət işinə xitsam verilməsi xahişi ilə Baş Prokyurora müraciət edib.
Rəy yaz