![Açiq mənbələrdən foto.](https://turan.az/resized/media/2021/main/101900039719-750-500-resize.webp)
Açiq mənbələrdən foto.
Azərbaycan Astara buraxılış məntəqəsinin İran yük maşınları üçün bağlandığı haqqında məlumatları təkzib edib
Bakı/19.10.21/Turan: Dünən İranın ILNA agentliyi İran-Rusiya Ticarət Palatasının üzvü Seyid Cəlalifəri ilə müsahibə dərc edib. Cəlalifər Azərbaycan gömrüyünün Astarada İran yük maşınlarını saxladığını iddia edib. Onun sözlərinə görə, Azərbaycan tərəfi qəsdən elektrik enerjisini kəsir, rentgenin işləmədiyinə və ya narkotik yoxlayan itlərin olmadığına istinad edir və Rusiyaya gedən İran yük maşınlarını saxlayır.
Bu səbəbdən sərhəddə yük maşınlarından ibarət 10 kilometrlik növbə yaranıb. O, həmçinin qeyd edib ki, yük maşınları tez xarab olan meyvə və tərəvəz daşıyır, buna görə yüklər xarab olur.
Cəlalifər qeyd edib ki, problem İranın Azərbaycanla sərhəddə hərbi təlimlər keçirməyə başladıqdan və bu ölkə ilə münasibətləri korladıqdan sonra yaranıb.
Öz növbəsində, Azərbaycan Gömrük Komitəsi İran yük maşınlarının saxlanması haqqında iddiaları təkzib edib. Komitənin 19 oktyabr tarixli məlumatında deyilir ki, oktyabrın 15-dən 16-na qədər 10 saat ərzində İran tərəfində kompüter sistemində yaranan nasazlıq və bu müddət ərzində yük avtomobillərinin keçidinin təmin edilməməsi, eləcə də İranın Astara şəhərində meyvə-tərəvəz anbarlarında yükləmə-boşaltma əməliyyatlarında mövcud olan uzun növbələr sıxlığın yaranmasına səbəb olub. “İran tərəfindəki problemlərdən qaynaqlanan sıxlıqda Azərbaycanı günahlandırmaq və buna siyasi don geyindirmək yolverilməzdir”, deyə məlumatda bildirilir. -02D-
-
- Analitika
- 19 Oktyabr 2021 13:32
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz