Azərbaycan Avropa Hərəkatı BAH-a üzvlüyə yaxındır
Beynəlxalq Avropa Hərəkatının (BAH) baş katibi Dioqo Pinto sentyabrın 13-15-də Bakıda səfərdədir. Səfərin məqsədi Azərbaycan Avropa Hərəkatının (AAH) bu quruma tamhüquqlu üzv olaraq qəbul edilməsi haqqında məruzə hazırlamaqdan, habelə Azərbaycan və Ermənistanın Avropa hərəkatları arasında əməkdaşlıq məsələlərini, onların Qarabağ münaqişəsinin nizamlanmasında yerini müzakirə etməkdən ibarətdir.
AAH bu ilin mayında BAH-a daimi üzvlüyün ilk mərhələsini keçib və Pintonun missiyası öhdəliklərin yerinə yetirilməsinin qiymətləndirilməsi ilə bağlıdır.
Məruzə BAH-ın sentyabrın 22-də Brüsseldə keçiriləcək iclasında təqdim ediləcək və elə həmin iclasda yekun qərar qəbul ediləcək.
RATİ-nin mətbuat mərkəzində keçirilən bugünki mətbuat konfransında Pinto ümumi vəziyyətdən məmnunluğunu bildirib, amma qərarın qəbul ediləcəyi iclasdan əvvəl fikir bildirməyib.
Pinto Bakıya səfəri çərçivəsində ATƏT-in Bakı ofisində görüş keçirib və ölkə regionlarında AAH ilə birgə həyata keçirilən layihə ilə tanış olub.
Bundan başqa, Pinto Aİ-nin Azərbaycan nümayəndəliyinə baş çəkib.
Pinto Prezident yanında Strateji Araşdırmalar Mərkəzində, ölkə XİN-də, Gənclər və İdman Nazirliyində və Dövlət Gənclər Fondunda qəbul edilib.
Pinto bildirib ki, ölkə rəsmiləri Azərbaycan və Ermənistan Avropa hərəkatlarının əməkdaşlığı ideyasını müsbət qarşılayıblar və hətta layihələrin həyata keçirilməsinə maliyyə dəstəyi göstərməyə hazır olduqlarını bildiriblər.
Onun sözlərinə görə, bir müddət əvvəl Ermənistan Avropa Hərəkatı nümayəndələrinin noyabrda Bakıdakı tədbirə gəlmələri planlaşdırılırdı. Lakin Ramil Səfərovla bağlı yaranmış gərginliklə əlaqədar səfər təxirə salınıb. Pinto özü də Səfərovun “qəhrəman” kimi qəbul edilməsindən narazılığını bildirib.
Avropa qurumlarının Səfərovun azad edilməsini niyə tənqid etdikləri, Ermənistan terroçular Varujan Qarabedyanı, Monte Melkonyanı və digərlərini qəhrəman elan etdiyi zaman susduqları barədə suala cavabda Pinto deyib ki, hər iki tərəfdən cinayətlərə bəraət verilməsini pisləyir.
AAH prezidenti Ramin Hacılı bildirib ki, Azərbaycan BAH-a qəbul edilərsə, Bakı gələn ilin yazındaca “Şərq tərəfdaşlığı” proqramı çərçivəsində Beynəlxalq Avropa Hərəkatının forumunu qəbul etməyə hazırdır. Ötən il Ermənistanda belə forum keçirilib.
Hacılı həmçinin bildirib ki, AAH axşam saatlarında Bakının mərkəzində aksiya keçirəcək, uşaqlara Aİ bayrağının rənglərinə boyanmış şarlar paylanacaq.
* AAH-a üzvlük fərdi və assosiativ olur (şirkətlər, gənclər təşkilatları, QHT-lər və s.). Həm də hərəkatda həm hakimiyyət, həm də müxalifət tərəfdarları təmsil olunub.
** BAH 1948-ci ildə Uinston Çörçil və Avropanın digər siyasi xadimləri tərəfindən Avropada demokratik dəyərlərin təbliği məqsədilə yaradılıb. Hərəkatın nailiyyətlərindən biri 1949-cu ildə Avropa Şurasının yaradılması olub. Beynəlxalq Avropa Hərəkatı sülh, demokratiya, azadlıq, həmrəylik, avrointeqrasiya ideyalarını təbliğ edir. -06С-
-
- Siyasət
- 15 Sentyabr 2012 12:30
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz