Açiq mənbələrdən foto.
Bakı/26.10.23/Turan: Bərpa olunan enerji sahəsinə investisiyalar Azərbaycana elektrik enerjisi istehsalında istifadə olunan böyük miqdarda təbii qaza qənaət etməyə imkan verəcək. Bu barədə oktyabrın 26-da prezident İlham Əliyev 230 MVt gücündə Qaradağ Günəş Elektrik Stansiyasının açılış mərasimində bildirib.
"Bu investisiyalar bizə hazırda elektrik enerjisinin istehsalı üçün istifadə etdiyimiz böyük miqdarda təbii qaza qənaət etməyə imkan verəcək. Bu, ixrac üçün qənaət ediləcək bir neçə milyard kubmetrdir. Çünki Azərbaycan qazı son geosiyasi dəyişikliklərlə əlaqədar Avropaya həmişəkindən daha çox lazımdır", - dövlət başçısı deyib.
O xatırladıb ki, Azərbaycan vaxtilə böyük nəqliyyat infrastrukturu-Xəzərdəki dəniz yataqlarından Avropaya qədər 3500 kilometr qaz kəməri inşa edib. Ona görə də əlavə qaz təkcə Avropanın yox, daha geniş regionun enerji təhlükəsizliyinə töhfə olacaq. 06B
Siyasət
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
-
Ermənistan parlamenti fevralın 12-də keçirilən iclasında "Ermənistan Respublikasının Avropa İttifaqına daxil olması prosesinin başlaması haqqında" qanun layihəsini birinci oxunuşda qəbul edib.
-
Fevralın 11-də Əbu-Dabi şəhərində Azərbaycan və Birləşmiş Ərəb Əmirliklərinin Xarici İşlər Nazirlikləri arasında siyasi məsləhətləşmələrin üçüncü iclası keçirilib.
Rəy yaz