Личный архив
Azərbaycan Baş Prokurorluğu İsrailli blogerin ekstradisiyasında israr edir
Azərbaycan Baş Prokurorluğu şəbəkədə puerrtto təxəllüsü ilə tanınan İsrail vətəndaşı, bloger Aleksandr Lapşinin Belarusdan ekstradisiyasına nail olmaq üçün əlindən gələni edir. Azərbaycanda onu dövlətə qarşı açıq çağırışlarda və dövlət sərhədini qanunsuz keçməkdə ittiham edirlər, bu barədə dekabrın 16-da Sputnik informasiya agentliyi məlumat yayıb.
İzRus portalının yaydığı məlumata görə, dekabrın 15-nə keçən gecə Lapşin Azərbaycanın sorğusu əsasında Minskdə saxlanılıb. O, facebook sosial şəbəkəsində son mesajında Minskin Pervoe Maya RDİİ-də olduğunu yazıb. Bundan sonra onunla əlaqə kəsilib və şərhlərə cavab verməyib.
Baş Prokurorluğun məlumatına görə, eyni zamanda RF və Ukrayna pasportlarına malik olan Lapşin 2011-ci ilin aprelində və 2012-ci ilin oktyabrında dəfələrlə qanunsuz olaraq Dağlıq Qarabağ ərazisinə gedib və bununla Azərbaycanın "Azərbaycan Respublikasının dövlət sərhədi haqqında" və "Pasportlar haqqında" daxili qanunlarını pozub. Həmçinin, onun Dağlıq Qarabağı müstəqil dövlət kimi təqdim etməklə qanunsuz rejimi təbliğ etdiyi iddia olunur.
Bloger barəsində AR CM-in 281.2 (dövlət əleyhinə açıq çağırışlar) və 318.2-ci maddələri (Azərbaycanın dövlət sərhədini qanunsuz keçmək) ilə cinayət işi açılıb. Lapşin barəsində beynəlxalq axtarış elan olunmuşdu. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz