Açiq mənbələrdən foto.
Azərbaycan Bolqarıstana qaz tədarükünü artıracaq
Bakı/31.05.22/Turan: Mayın 31-də Azərbaycan xarici işlər naziri Ceyhun Bayramovun Bolqarıstan Respublikasına rəsmi səfəri çərçivəsində bolqar xarici işlər naziri Teodora Gençovskaya ilə görüşü keçirilib.Azərbaycan XİN-in mətbuat xidmətinin məlumatına görə, nazirlər ölkələrimiz arasında iqtisadi əlaqələrin özəyini təşkil edən enerji sektoru, habelə nəqliyyat, informasiya və kommunikasiya texnologiyaları, kənd təsərrüfatı, turizm, humanitar və digər sahələrdə əlaqələrin inkişafı perspektivlərini müzakirə ediblər.
Tərəflər, ikitərəfli müstəvi ilə yanaşı, qlobal və regional beynəlxalq təşkilatlar çərçivəsində əməkdaşlıq məsələlərini müzakirə ediblər.
Gençovska Bolqarıstanın Azərbaycan hökumətinin həyata keçirdiyi minalardan təmizləmə prosesinə töhfə verməyə hazır olduğunu ifadə edib.
Bayramov görüşdən sonra bildirib ki, Bolqarıstan yaxın gələcəkdə tikintisi bu il başa çatacaq Yunanıstan-Bolqarıstan interkonnektoru (İGB) vasitəsilə Azərbaycan qazı almağa başlayacaq.
Azərbaycan iki ölkə arasında razılaşdırıldığı kimi, 25 il ərzində Bolqarıstana qaz tədarük edəcək. Yunanıstan və İtaliya ilə birlikdə, Bolqarıstan TAP qaz kəməri ilə qaz alıcısıdır. Sazişin şərtlərinə əsasən, Bolqarıstan hər il 1 mlrd. kubmetr qaz alacaq. Hazırda Azərbaycan qazının Bolqarıstana ixrac həcmi nəqliyyat sisteminin məhdud olması səbəbindən planlaşdırılan həcmdən 3-4 dəfə azdır. -06B-
-
- Cəmiyyət
- 31 May 2022 17:00
Siyasət
-
Rusiya sülhməramlılarının hərbi texnikalarının növbəti partiyası bu gün Azərbaycandan çıxarılıb. Onlarla zirehli maşın Goran dəmiryolu stansiyasında (Goranboy rayon mərkəzi yaxınlığında) yüklənib və Rusiyaya aparılıb.
-
Azərbaycan prezidentinin köməkçisi Hikmət Hacıyev mayın 17-də Ağ Evdə ABŞ prezidentinin milli təhlükəsizlik üzrə müşaviri Ceyk Sallivanla görüşüb.
-
13 saylı cəzaçəkmə müəssisəsində həbs cəzası çəkən Azərbaycan Beynəlxalq Bankının (ABB) keçmiş sədri Cahangir Hacıyevin səhhəti pisləşib. Lakin ona ixtisaslaşmış tibbi yardım göstərilmir, bu barədə Turan-a mayın 17-də Hacıyevlə görüşən vəkil Fəxrəddin Mehdiyev bildirib.
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
Rəy yaz