Azərbaycan BRİCS-ə üzv olmaq istəyir

Azərbaycan BRİCS-in tamhüquqlu üzvü olmaq istəyir.

TASS agentliyinin məlumatına görə, bu barədə VI çağırış Azərbaycan Milli Məclisinin sədri Sahibə Qafarova BRİCS ölkələrinin iyulun 10-da X Parlament Forumunun Sankt Peterburqda keçirilən plenar iclasında çıxışı zamanı deyib.

“Azərbaycan xarici siyasətində dialoqu, əməkdaşlığı və həmrəyliyi təşviq edir. Bu, ikitərəfli münasibətlərə və beynəlxalq platformalar çərçivəsində fəaliyyətə aiddir. Xüsusilə, bu, BRİCS ilə əməkdaşlığa aiddir. Azərbaycan artıq BRİCS-ə qoşulmaq arzusunu ifadə edib”, deyə Qafarova bildirib.

Onun sözlərinə görə, parlamentlər səviyyəsində əməkdaşlığın inkişafı bu məqsədə nail olmağa kömək edəcək.

BRİCS beş ölkədən ibarət olan bir qrupdur. Bu qrupa Braziliya, Rusiya, Hindistan, Çin və Cənubi Afrika daxildir.

BRİCS üzvləri özlərini ən tez inkişaf edən böyük ölkələr kimi səciyyələndirir. Belə ki, Braziliya kənd təsərrüfatı məhsuluyla zəngindir, Rusiya dünyada ən böyük mineral resursların ixracçısıdır, Hindistan ucuz intellektual resurslara, Çin ucuz əmək resurslarına, Cənubi Afrika Respublikası təbii resurslara malikdir.