Azərbaycan Cənubi Qafqazda dəyişən reallıq şəraitində

Bakı/26.09.23/Turan: Sentyabrın 25-də Londonda Beynəlxalq Münasibətlərin Təhlili Mərkəzi (AİR Center) və Kral Birləşmiş Xidmətlər İnstitutu (RUSI) Azərbaycan Respublikasının Birləşmiş Krallıqdakı səfirliyinin dəstəyilə "Azərbaycan Cənubi Qafqazda: regional iqtisadi və təhlükəsizlik dinamikası" mövzusunda birgə "dəyirmi masa" keçiriblər. Cənubi Qafqazın dəyişən landşaftında Azərbaycanın rolunun mühüm aspektlərini araşdırmaq üçün ekspertlər və əlaqədar tərəflər tədbirə toplaşıblar.

Tədbirdə AİR Center-in sədri Fərid Şəfiyev, Bakı Beynəlxalq Dəniz Limanının baş direktoru Taleh Ziyadov və AİR Center-in baş məsləhətçisi Şahmar Hacıyev iştirak ediblər.

“Dəyirmi masa” zamanı müzakirələr iki əsas mövzunu əhatə edib: "Cənubi Qafqazda dəyişən beynəlxalq siyasəti" və "Enerji təhlükəsizliyi və Orta dəhliz". İştirakçılar bölgəni formalaşdıran çoxşaxəli dinamikanı və  qlobal məsələlərdə onun dəyişən rolunu müzakirə ediblər.

Mərkəzi mövzulardan biri Cənubi Qafqazda münaqişədən sonrakı hadisələrə həsr olunub. Müzakirə iştirakçıları etiraf ediblər ki, regionda transformasiya dəyişiklikləri baş verir, Azərbaycanla Ermənistan arasındakı danışıqlarda müsbət dəyişikliklər isə sülh sazişinin bağlanması və daha geniş regional sabitlik ehtimalını artırır. Lakin onlar bölgənin problemlərinin mürəkkəbliyini vurğulayaraq ən vacib məsələlərin həll olunmamış qaldığını qeyd ediblər.

Cənubi Qafqaz getdikcə xarici oyunçular üçün daha çox cazibə mərkəzinə çevrilir ki, buna ticarət və tranzit sahəsində yeni imkanlar, eləcə də kəskinləşən geosiyasi rəqabət və təhlükəsizlik sahəsində rəqabət şərait yaradır. Region Avropa və Asiya arasında potensial qapı olaraq açıldığı üçün beynəlxalq tranzit və ticarət marşrutu kimi əhəmiyyətli perspektivlərə malikdir. Bundan əlavə, strateji mövqeyi həm regional, həm də qlobal bazarlara enerji resurslarının tədarükünü asanlaşdırmağa imkan verir.

“Dəyirmi masa” Azərbaycanın Cənubi Qafqazda mühüm rolunu müəyyən edən iqtisadiyyatın və təhlükəsizliyin çoxşaxəli dinamikasına işıq salan dialoq və dərin təhlil üçün platforma rolunu oynayıb. Region inkişaf etməyə davam etdikcə, beynəlxalq diqqət və qarşılıqlı fəaliyyət mərkəzi olaraq qalır,  Air Center bildirir. -0-