Azərbaycan daha 20 il tənzimləmə gözləməyəcək

Bakı Qarabağ münaqişəsinin dinc yolla həllinin tərəfdarıdır, amma bunu daha 20 il gözləmək niyyətində deyil, bu barədə Anadolu agentliyinə Azərbaycanın ATƏT-də daimi nümayəndəsi Qalib İsrafilov bildirib.

ATƏT-in Vyanadakı Daimi Şurasının Qarabağ münaqişəsinin də müzakirə olunduğu iclasından sonra İsrafilov xatırladıb ki, Azərbaycan ərazisinin bir hissəsi hələ də Ermənistanın işğalı altındadır.

ATƏT-in iclasında Azərbaycanın ərazi bütövlüyünə hörmət etmək, işğal olunmuş əraziləri azad etmək və tərəfləri danışıqlar masası arxasına əylədirmək çağırışları səslənib.

“Ermənistanın hələ də şansı var. Biz danışıqların tərəfdarıyıq. ATƏT çərçivəsində qəbul edilmiş bütün qərarlar danışıqlar yolu ilə həyata keçirilə bilər”, deyə səfir bildirib.

İsrafilovun sözlərinə görə, problemin Azərbaycanın işğal edilmiş beş rayonunun azad edilməsini, qaçqınların doğma yurdlarına qaytarılmasını və işğal edilmiş ərazilərin qaytarılmasını nəzərdə tutan mərhələli həlli mümkündür.

ATƏT-in Minsk Qrupunun tənzimlənmə məsələsində daha fəal olmalı olduğunu deyən İsrafilov Türkiyəyə Azərbaycanın ədalətli mövqeyinə verdiyi dəstəyə görə təşəkkür edib.

Öz növbəsində, ABŞ-ın ATƏT-də daimi nümayəndəsi, səfir Deniel Ber iclasın yekunlarına görə qeyd edib ki, müharibə münaqişənin həlli variantı ola bilməz. O, atəşkəs rejiminin bərpa olunacağına ümid etdiyini bildirib. -02D-