Açiq mənbələrdən foto.
Azərbaycan hakimiyyəti yerli sakinlərin Ermənistana aparılması üçün Xankəndinə 30 avtobus göndərib
Bakı/28.09.23/Turan: Azərbaycan hakimiyyəti Qarabağ ermənilərinin Ermənistana aparılması üçün Ağdam-Əsgəran-Xankəndi yoluyla 30 böyük avtobus göndərib.
Azərbaycan Rəqəmsal İnkişaf və Nəqliyyat Nazirliyi bildirib ki, bu qərar Qarabağın erməni sakinlərinin nümayəndələrinin müraciəti əsasında qəbul edilib. Onlar mülki şəxslərin Xankəndidən Ermənistana aparılması üçün nəqliyyat vasitələrinin ayrılmasını xahiş ediblər.
Qeyd edək ki, Ermənistan hökuməti də şəxsi nəqliyyat vasitəsi olmayan şəxslərin Qarabağdan çıxması üçün 40 avtobus ayırıb.
Lakin Ermənistan istiqamətində hərəkət edən çoxsaylı nəqliyyat vasitəsinin Laçın yolunda yaratdığı böyük tıxac səbəbindən faktiki olaraq yolda hərəkət birtərəfli olub və Yerevan avtobusları trasa daxil ola bilməyək Kornidzorda ilişib qalıblar.
28 sentyabr saat 14:00-a olan məlumata görə, 70 500 nəfər Qarabağı tərk edib. 06B
Siyasət
-
Azərbaycan pasportu 2024-cü ilin birinci yarısı üçün Henley& Partners pasport indeksində 69-cü yerə yüksəlməklə nəzərəçarpacaq dərəcədə yaxşılaşıb. Pasport sahiblərinə təqdim olunan vizasız istiqamətlərin hesablanması yoluyla qlobal mobilliyi qiymətləndirən bu indeks beynəlxalq səyahətlər azadlığı sahəsində Azərbaycanın irəlilyişini önə çəkir.
-
Keçmiş diplomat Emin İbrahimov 3-cü gündür ki, Şüvəlan İstintaq Təcridxanasında aclıq edir. O, əsassız həbs olunmasına etiraz edir.
-
1-ci qrup əlil, həbsdə saxlanılan ictimai fəal Famil Xəlilovun cinayət işi üzrə ibtidai istintaq başa çatıb. Bu gün, iyulun 26-da müstəntiq istintaq təcridxanasına gedib ibtidai istintaqın başa çatdığını elan edəcək və müdafiə tərəfi cinayət işinin materilaları ilə tanış olmağa başlayacaq. Bu barədə vəkil Fəxrəddin Mehdiyev bildirib.
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
Rəy yaz