Açiq mənbələrdən foto.
Bakı/09.06.21/Turan: Azərbaycan Hərbi Dəniz Qüvvələrinin (HDQ) komandanı kontr-admiral Sübhan Bəkirov iyunun 7-dən Pakistanda səfərdədir.
İyunun 9-da o, bu ölkənin Quru Qoşunları komandanı ordu generalı Qamar Caved Bacva ilə görüşüb, xəbəri Azərbaycan Müdafiə Nazirliyinin mətbuat xidməti yayıb.
Görüşdə Bacva Qarabağın minalardan təmizlənməsi prosesində və həmin ərazilərdə həyata keçiriləcək bərpa işlərində iştirak etməyə hazır olduğunu bildirib.
Tərəflər həmçinin hərbi sahədə əməkdaşlıq məsələlərinə dair fikir mübadiləsi aparıblar.
Bir gün əvvəl Bəkirov Pakistan Hərbi Dəniz Qüvvələrinin Komandanı Məhəmməd Amcad Xan Niyazi ilə görüşüb. Görüşdə iki ölkənin Hərbi Dəniz Qüvvələri arasında əməkdaşlığın perspektivləri müzakirə olunub.
Görüşdə Pakistan tərəfi Hərbi Dəniz Qüvvələrinin strukturu, əməliyyat imkanları, regional təhlükəsizlik məsələləri barədə məlumat verib. -02В-
Siyasət
-
Azərbaycan prezidenti İlham Əliyev yanvarın 20-də Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlib.
-
Azərbaycan vətəndaşı Fərid Səfərli İran həbsxanasından azad edilərək ölkəsinə qaytarılıb.
-
Hazırda 1 saylı Bakı İstintaq Təcridxanasında saxlanılan “III Respublika Platforması”nın (ResPlatforma) spikeri Akif Qurbanov ailəsinə məxsus əmlaka həbs qoyulması ilə bağlı açıqlama yayıb. Açıqlama Qurbanova məxsus olduğu bildirilən facebook səhifəsində dərc edilib.
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
Rəy yaz