Azərbaycan vətəndaş cəmiyyəti fəallarından ibarət qrup AŞPA-ın qış sessiyasında Kristof Ştrasserin Azərbaycanda siyasi məhbuslar haqqında məruzəsini dəstəkləməyən AŞPA deputatlarına qarşı kampaniyaya başlayır.
Bu qətnamənin əleyhinə 125 deputat səs verib, onlardan 6 nəfəri Azərbaycan nümayəndə heyətinin üzvüdür. Kampaniya qalan 119 parlamentariyə qarşı keçiriləcək.
“Bir sıra ölkələrin nümayəndə heyətinin bütün tərkibinin qətnaməyə qarşı çıxması narahatedici amildir. Bir sıra Qərbi Avropa ölkələrinin parlament üzvləri də qətnamənin əleyhinə olub”, deyə kampaniya təşəbbüskarlarının Seçkilərin Monitorinqi və Demokratiyanın Tədrisi Mərkəzi (SMDT) tərəfindən yayılmış bəyanatında deyilir.
“AŞPA-da səsvermənin nəticələri Azərbaycan hakimiyyətinin maraqlarına cavab verirdi və repressiyadan əziyyət çəkən insanları Avropa Şurasının dəstəyindən məhrum etdi”, deyə bəyanatda qeyd edilir.
Rusiyadan olan 18, Türkiyədən 10, İtaliyadan 9, İspaniyadan 8, Böyük Britaniyadan 8, Fransadan 6, Ukraynadan 6, Polşadan 5, Çexiyadan 5 deputat və s. Ştrasserin məruzəsinin əleyhinə səs verib.
Kampaniya təşəbbüskarları AŞ strukturlarını Ştrasserin qətnaməsinin əleyhinə səs verən AŞPA Monitorinq Komitəsinin məruzəçiləri Pedro Aqramunt və Cozef Qreşə etimadsızlıqlarını ifadə etməyə çağırmaq niyyətindədir.
Kampaniya təşəbbüskarları AŞPA-nı Ştrasserin məruzəsinin əleyhinə səs verənləri 2013-cü ildə Azərbaycanda prezident seçkilərinin monitorinqini həyata keçirəcək nümayəndə heyətinin tərkibinə daxil etməməyə çağıracaqlar.
Avropa ölkələrinin parlamentlərinə, KİV-lərinə, vətəndaş cəmiyyəti institutlarına və siyasi partiyalarına Azərbaycanda siyasi məhbus probleminin həlli üzrə səyləri dəstəkləməkdən imtina edən deputatların soyadı göstərilməklə, etiraz məktubları göndəriləcək.
Kampaniyanın təşəbbüskarları Demokratiya və İnsan Hüquqları üzrə Resurs Mərkəzi, Hüquqi Maarifləndirmə Cəmiyyəti, İnsan Hüquqları Klubu, Siyasi Azadlıqları Müdafiə Alyansı, Seçkilərin Monitorinqi və Demokratiyanın Tədrisi Mərkəzi, Sülh və Demokratiya İnstitutudur. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz