Azərbaycan �İsgəndər�ləri vura biləcək RƏM-ə malikdir
Bakı/13.07.17/Turan: Azərbaycan Silahlı Qüvvələri (SQ) Ermənistanda yerləşdirilmiş "İsgəndər" komplekslərindən buraxılan raketləri vura biləcək raket əleyhinə müdafiə silahına malikdir. Bu barədə Azərbaycanın müdafiə naziri Zakir Həsənov RİA-Novosti-yə müsahibəsində bildirib.
"Mən müdafiə naziri olaraq, bildirirəm ki, bizdə müdafiə sistemi var - biz bu raketləri vura bilərik. Bizim də sayca 50 dəfə çox raketimiz var. Mən dediyim sözlərə görə tam məsuliyyət daşıyıram. Onlar bu raketlərdən istifadə etsələr, infrastruktura və hərbi məqsədlərə cavab zərbəsinin necə olacağını təsəvvür edin!", deyə nazir bildirib.
Onun sözlərinə görə, dünyada qoşunlardan istifadə taktikasının bir neçə növü var.
"Bəli, "İsgəndər" yaxşı raketdir. Amma bir neçə sual var. Birincisi: bu, hansı "İsgəndər"dir, axı onların növü çoxdur. İkincisi: bu "İsgəndər" hansı vəziyyətdədir? Üçüncüsü: bu "İsgəndər"i kim idarə edir? Dördüncüsü: onlar ondan istifadə edə biləcəklərmi? Biz hərbiçi insanlar olaraq həmişə ən pis variantı dəyərləndiririk, biz ona hazırıq. Doğrudur, haqqında danışdığım raketlər RF-dən alınmayıb, amma onlar da keyfiyyətcə pis deyil. Və sizə deyim, vəziyyəti modelləşdirdik, döyüş atışları açdıq. Nəticə əladır! Bu gün biz əminik ki, öz yaşayış məntəqələrimizi və silahlı qüvvələrimizi qoruya bilərik", deyə Azərbaycan müdafiə naziri bildirib. -06D-
-
- Siyasət
- 13 İyul 2017 17:27
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz