Azərbaycan İsraillə Spyder ZRK-nın alınmasına dair danışıqlar aparır

Azərbaycan və İsrail uzaq məsafəli Spyder zenit-raket kompleksinin alınmasına dair danışıqlar aparır. REGNUM xəbər verir.

İsraildəki hərbi mənbələrdən məlum olub ki, Azərbaycan və İsrail müqaviləni imzalamağa yaxındır, lakin sövdələşmənin məbləği açıqlanmır.

Spyder ZRK yaxın hərəkət radiusu mobil kompleksdir, zərbəçi təyyarələrin, bombardmançılar, qanadlı raketlər və s. aşkar və məhv edilməsi üçün nəzərdə tutulub.

Kompleks HHQ və HDQ bazaları kimi strateji obyektlərin, rabitə məntəqələrinin mühafizəsi üçün tətbiq edilə bilər. Kompleksə yüksək keçilmə qabiliyyətinə malik təkərli şassidə buraxıcı qurğu, nəqliyyat-doldurucu maşınlar, komanda məntəqəsi, həmçinin 35 km. məsafədə 60-dək hədəfi aşkar və müşayiət etməyə qadir radiolokasiya stansiyası daxildir.

Hər buraxıcı qurğuda dörd Python 5 və ya Derby raketi 9 km.-dək yüksəklikdə və 20 km.-dək məsafədə hədəfi məğlub etmə imkanlarına malikdir.

İsrailin Müdafiə Nazirliyinin baş direktoru Udi Şani bildirib ki, onun ölkəsi Azərbaycana silah tədarükünü  genişləndirə bilər. 

Turan agentliyinin məlumatına görə, 2011-ci ildə Azərbaycan İsraillə ümumi məbləği $1,6 mlrd. həcmində silah və hərbi texnikanın alınmasına dair müqavilə bağlayıb. Hərbi məhsulların bir hissəsi Azərbaycana daxil olub. Əgər tərəflər razılıq əldə edərsə, müqaviləyə uyğun olaraq Spyder Azərbaycan ordusuna veriləcək. 

Ümumilikdə, 2011-ci ildə Bakı müxtəlif ölkələrin istehsalı olan $804 mln. həcmində silah idxal edib.—0--