Azərbaycan Lüksenburq və Rumıniya tərəfindən axtarışda olan şəxsləri saxlayaraq təhvil verib

Azərbaycan hüquq-mühafizə oqranları Lüksenburq və Rumıniya tərəfindən beynəlxalq axtarışa verilmiş şəxsləri saxlayaraq bu ölkələrə təhvil verib.

Azərbaycan Baş Prokurorluğunun mətbuat xidmətinin məlumatına görə, Lüksemburq Böyük Hersoqluğunun səlahiyyətli orqanları tərəfindən iqtisadi sahədə cinayətlər törətməkdə təqsirləndirilərək barəsndə beynəlxalq axtarış elan edilmiş Fransa Respublikasının vətəndaşı Cedric Michelin və Rumıniyanın səlahiyyətli orqanları tərəfindən mütəşəkkil cinayətkar qrup yaradılmaqla miqrantların qanunsuz daşınmasında təqsirləndirilərək barəsində beynəlxalq axtarış elan edilmiş Türkiyə Respublikasının vətəndaşı Oğuz Atalay bu il ərzində Azərbaycanda müəyyən edilərək barələrində həbs qətimkan tədbiri seçilib.

Mətrbuat xidməti  bildirir ki, "Ekstradisiya haqqında" Avropa Konvensiyasına və ona Əlavə Protokollara əsasən, adı çəkilən şəxslər Azərbaycan Ədliyyə Nazirliyinin Penitensiar Xidmətinin xüsusi konvoyunun müşayiəti ilə Rumıniyanın və Lüksemburqun səlahiyyətli orqanlarına təhvil verilib.