![İzabel Santos.](https://turan.az/resized/media/2020/main/080500029353-750-500-resize.webp)
İzabel Santos.
Azərbaycan məmurlarına qarşı sanksiyalar tətbiq etmək çağırışı dəstəklənir
Bakı/05.08.20/Turan: Avropa Parlamentinin Portuqaliyalı üzvü İzabel Santos Avropa İttifaqının Azərbaycanın insan hüquqlarının pozulmasında rolu olan məmurlarına qarşı sanksiyalar tətbiq edilməsi haqqında təklifini dəstəkləyir.
O, 2019-cu ilə qədər ATƏT Parlament Assambleyasının Demokratiya və İnsan Hüquqları Komitəsinə rəhbərlik edib.
Santos “Amerikanın Səsi”nə müsahibəsində Avropa Parlamentinin “Sosialistlər və Demokratlar” qrupunun vitse-prezidenti Keti Pirinin Azərbaycanda repressiya aparan rəsmi şəxslərə qarşı sanksiyalar tətbiq etmək çağırışını dəstəklədiyini bildirib.
“Azərbaycan hüquq-mühafizə orqanlarının Fuad Qəhrəmanlıya qarşı tətbiq etidiyi ağır işgəncələrə dair etibarlı məlumatlar bizi narahat edir”, deyən Santos Azərbaycanda insan hüquqları sahəsində vəziyyəti diqqətlə izlədiyini qeyd edib.
“Bu hərəkətlər müxalifətin sistematik şəkildə qorxudulması, həbs edilməsi və susdurulmasının nümunəsidir”, deyə Santos bildirib.
Azərbaycanda müntəzəm olaraq ölkə qanunları və beynəlxalq qanunlar pozulur və beynəlxalq ictimaiyyət buna dözməyə davam edə bilməyəcək.
“Bu sanksiyalar Azərbaycana və zorakılıq və azadlıqların pozulmasının qurbanı olan və bizim həmrəy olduğumuz insanlara qarşı deyil, ölkədəki siyasi müxalifətin və vətəndaş cəmiyyətinə qarşı şiddətli repressiyalar aparan Azərbaycan rəsmilərinə qarşıdır”, deyə o bildirib.
Xatırladaq ki, müxalifətə qarşı yeni repressiyalar dalğası iyulun 15-də keçirilən nümayişdən sonra başlayıb. Həmin vaxtdan etibarən Xalq Cəbhəsi Partiyasının 42 üzvü həbs edilib və onların bəziləri hakimiyyəti ələ keçirmək cəhdində ittiham olunub. -16B-
-
- İqtisadiyyat
- 5 Avqust 2020 12:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz