Azərbaycan Müdafiə Nazirliyi ermənilərin mövqelərinin atəşə tutulması barədə məlumatı təkzib edib

Bakı/05.07.22/Turan:  Azərbaycan Müdafiə Nazirliyi iki ölkənin sərhədində ermənilərin mövqelərinin atəşə tutulması ilə bağlı  Ermənistan hərbi idarəsinin məlumatını təkzib edib.

"İyulun 4-də saat 21:15 radələrində Azərbaycan Silahlı Qüvvələrinin bölmələri Ermənistan- Azərbaycan sərhədinin qərb hissəsində, əsasən Vayotsdzor vilayətinin Xaçik kəndində, həmçinin kəndə gedən yol istiqamətində ermənilərin hərbi mövqelərini müxtəlif, o cümlədən iriçaplı silahlardan atəşə tutub. Nəticədə icma rəhbərinin avtomobilinə ziyan dəyib”, - bu gün Ermənistan Müdafiə Nazirliyi bildirib.  

Öz növbəsində, Azərbaycan Müdafiə Nazirliyi bildirib ki, "Azərbaycan ordusunun bölmələrinin dövlət sərhədi istiqamətində  qarşı tərəfin  mövqelərini atəşə tutması ilə bağlı Ermənistanın yaydığı məlumat yalandır və həqiqətəuyğun deyil".

Nazirlikdən qeyd ediblər ki, Azərbaycan ordusunun bölmələri göstərilən istiqamətdə atəş açmayıb.

"Bu, erməni tərəfinin növbəti dezinformasiyasıdır", - Azərbaycan Müdafiə Nazirliyində bildiriblər. 06B