�Azərbaycan NATO-nun vacib və etibarlı tərəfdaşıdır� - Li Litsenberger

Bakı/06.04.19/Turan: ABŞ-ın Bakıdakı səfiri Li Litsenberger NATO-nun bu həftə qeyd olunan 70 illiyi ilə əlaqədar müraciət yayıb və Alyansın Azərbaycanla "vacib tərəfdaşlığı" haqqında fikirlərini bölüşüb.

"Bu həftə NATO-nun yaradılmasının 70-ci ildönümünü qeyd edirik. NATO-nun yaradılmasının səbəbi təşkilata üzv dövlətlərin demokratiya, fərdi azadlıq, qanunun aliliyi prinsipləri zəminində qərarlaşan azadlığını, birgə mirasını və mədəniyyətini qorumaqdır. Sözügedən missiya 1949-cu ildə olduğu kimi, bu gün də vacibliyini itirməyib və bu missiyanın həyaya keçirilməsi yalnız NATO üzvlərinə deyil, digər dövlətlərə də bəhrə verir", deyə Li Litsenberger səfirliyin Facebook səhifəsində yazıb.

Azərbaycan NATO-nun vacib və etibarlı tərəfdaşıdır. Bu tərəfdaşlıq Azərbaycanın Əfqanıstanda təhlükəsizliyin dəstəklənməsi üçün göndərdiyi hərbçilər və təmin etdiyi təchizat marşrutları, həmçinin Azərbaycanın qlobal terrorçuluğa və narkotik daşınmalarına qarşı aparılan fəaliyyətdə verdiyi töhfələrdə öz əksini tapıb, deyə nazir sözlərinə davam edir.

"ABŞ-ın Azərbaycandakı Səfirliyində çalışdığımız zaman biz dövlətimizin NATO çərçiviəsində tərəfdaşı qismində birgə işləmələri və dünyada sülhün, sabitliyin qorunması naminə fəaliyyət göstərmələri üçün yeni imkanlar axtarırıq," cənab Litzenberger qeyd edib", deyə Litsenberger qeyd edir. -06d--