Bakı/23.11/Turan: Azərbaycan prezidenti İlham Əliyev noyabrın 22-də Naxçıvan Muxtar Respublikasının (NMR) sosial-iqtisadi inkişafı layihələrinin maliyyələşdirilməsinə pul vəsaiti ayrılması haqqında üç sərəncam imzalayıb.
NMR Nazirlər Kabinetinə Culfa–Ordubad avtomobil yolunun yenidən qurulması məqsədilə 34,3 mln. manat, Süni Mayalanma Mərkəzinin yaradılması məqsədilə 4,8 mln. manat və əlil və şəhid ailələrinin mənzillə təmin edilməsi məqsədilə 0,5 mln. manat ayrılıb.
Vəsait Azərbaycan Respublikasının 2019-cu il dövlət büdcəsində investisiya məqsədləri üçün nəzərdə tutulmuş məbləğdən ayrılacaq.
Qeyd edək ki, noyabrın 18-də Azərbaycan prezidenti Ali Məclis sədri Vasif Talıbovu qəbul edərkən region büdcəsinin cəmi 22 faizinin yerli mənbələrdən formalaşmasından narazılığını bildirib.
“Hesab edirəm ki, növbəti illərdə yerli gəlirlərin artırılması istiqamətində işlər aparılmalıdır ki, onların faiz nisbəti artsın. Əminəm, belə olan halda daha da böyük imkanlar olacaq ki, sosial və sənaye layihələri icra edilsin”, deyə Əliyev qeyd edib. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz