Açiq mənbələrdən foto.
Bakı/23.09.21/Turan: MDB Baş Prokurorları Koordinasiya Şurasının Qazaxıstanın paytaxtı Nur-Sultanda keçirilən 31-ci iclası çərçivəsində bu gün Azərbaycan, Rusiya və Ermənistan prokurorluq rəhbərlərinin üçtərəfli görüşü keçirilib.
Rusiya tərəfin təşəbbüsü ilə keçirilən görüşdə dövlət başçılarının 10 noyabr 2020 və 11 yanvar 2021-ci il tarixli üçtərəfli bəyanatlarının müvafiq bəndlərinin həyata keçirilməsi məsələləri, habelə hüquqi sahədə qarşılıqlı fəaliyyət mexanizmləri müzakirə olunub, bu barədə Azərbaycan Baş Prokurorluğun mətbuat xidməti məlumat yayıb.
Öz növbəsində, RF Baş Prokurorluğu görüşdə Rusiya baş prokuroru İqor Krasnovun “tərəflərin Dağlıq Qarabağda qanunun aliliyinin möhkəmləndirilməsi üzrə gördükləri işlərin böyük nəticələrindən” bəhs etdiyini bildirib.
“O, informasiya mübadiləsi kanalı kimi, o cümlədən törədilmiş pozuntular haqqında siqnalları ötürmək üçün Dağlıq Qarabağa təhkim olunmuş Rusiya hərbi prokurorlarına müraciət etmək imkanından daha intensiv istifadə etməyə, o cümlədən vətəndaşların doğma yurdlarına qaytarılması üzrə işləri davam etdirməyə çağırıb. -06D-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz