![Azərbaycan, Rusiya və İran energetika nazirləri görüşəcək](https://turan.az/resized/./turan-750-500-resize.webp)
Azərbaycan, Rusiya və İran energetika nazirləri görüşəcək
MDB Elektroenergetika Şurasının 44-cü iclası çərçivəsində Azərbaycan, İran və Rusiya nazirlərinin üçtərəfli görüşü olacaq.
Azərbaycan Energetika Nazirliyinin mətbuat xidmətinin məlumatına görə, Azərbaycan energetika naziri Natiq Əliyev oktyabrın 31-də Moskvaya gedəcək.
Nazirin üç gün davam edəcək səfəri zamanı İranın energetika naziri Həmid Çitçiyan və Rusiya energetika naziri Aleksandr Novak üç ölkə arasında elektroenergetika sahəsində əmakdaşlıq məsələlərini müzakirə edəcəklər.
Mətbuat xidməti bildirir ki, Azərbaycan həm Rusiya, həm də İranla elektroenergetika sahəsində sıx əməkdaşlıq edir. Belə ki, 6 iyun 2013-cü ildə Volqoqrad şəhərində “Azərbaycan Hökuməti və Rusiya Federasiyası Hökuməti arasında Azərbaycan Respublikasının enerji sisteminin və Rusiyanın Vahid enerji sisteminin paralel işinin təmin edilməsi üzrə tədbirlər haqqında Saziş” imzalanıb. Artıq Azərbaycan və Rusiya enerji sistemləri ikitərəfli elektrik verilişi xətləri vasitəsi ilə birləşib. Bunlar, 330 kV-luq “Dərbənd” və 110 kV-luq “Yalama” elektrik verilişi xətləridir.
Eyni zamanda, Azərbaycan və İran arasında elektrik enerjisinin mübadiləsi 230 kV-luq I Parsabad, 330 kV-luq II Parsabad, 110 kV-luq Astara və 132 kV-luq Culfa və Araz elektrik verilişi vasitəsilə həyata keçirilir.
Azərbaycanın energetika nazirinin Rusiyaya rəsmi səfəri noyabrın 2-də başa çatacaq. -03D-
-
- Siyasət
- 30 Oktyabr 2013 18:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz