Azərbaycan Avronest Parlament Assambleyasında iştirak edir
Milli Məclisin deputatı, Avronest Parlament Assambleyasında Azərbaycan nümayəndə heyətinin rəhbəri Elxan Süleymanov qurumun büro iclasında iştirak etmək üçün noyabrın 1-dən 3-dək Ukraynada səfərdə olacaq.
Milli Məclisin mətbuat xidmətinin məlumatına görə, Kiyevdə keçiriləcək toplantının gündəliyinə Azərbaycanda və Gürcüstanda keçirilən prezident seçkilərinin nəticələri ilə bağlı müzakirələr, 2013-cü ilin mayında Brüsseldə keçirilən Büro iclasında qəbul edilən qərarların və qurumun 2014-cü il fəaliyyət planının təsdiq edilməsi, üzv ölkələrə yeni həmməruzəçilərin təyini və digər məsələlər daxildir.
Mətbuat xidməti bildirir ki, Azərbaycan nümayəndə heyəti müzakirə edilən məsələlərə münasibətini bildirəcək.
Avronest Azərbaycanda prezident seçkiləri ilə bağlı ATƏT DTİHB-nin hesabatını müdafiə edib. Hesabatda Azərbaycanda seçkilərin beynəlxalq standartlara uyğun olmadığı, azad, ədalətli və şəffaf keçirilmədiyi bildirilir.
Azərbaycan nümayəndə heyətinin rəhbəri Elxan Süleymanov bir müddət öncə Azərbaycanın Avronest-dən çıxacağını bəyan etmişdi.
Lakin Milli Məclisin son plenar iclasında spiker Oqtay Əsədov deyib ki, seçkilər bitdi və xalq öz fikrini bildirdi. Bu haqda artıq kənar təşkilatların rəyini müzakirə etməyə ehtiyac yoxdur.
Əsədov bildirib ki, “AvroNest” PA yaradılanda Azərbaycan onun təşəbbüskarlarından, həm də işçtirakçılarından olub.
“Avropa Parlamentində “AvroNest”in hansısa çağırışının eşidildiyini görməmişik. Bu, o deməkdir ki, “AvroNest” PA öz işini yerinə yetirə bilmir”.
Buna baxmayaraq, spiker qurumu tərk etmək barədə çağırışa etiraz edib. “Azərbaycan “AvroNest”ə parlamentin qərarı ilə daxil olub və parlamentinin qərarı ilə də çıxa bilər. Azərbaycan beynəlxalq təşkilatlarda fəaliyyəti genişləndirməlidir”. -03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz