Azərbaycan ordusunun Baş Qərargah rəisi Kərim Vəliyev Brüsseldə NATO Hərbi Komitəsi Baş Qərargah rəisləri formatında keçirilən iclasda iştirak edib.
Müdafiə Nazirliyinin mətbuat xidməti bildirib ki, Vəliyev Azərbaycanın NATO ilə əməkdaşlığının inkişaf perspektivlərindən, Qətiyyətli Dəstək Missiyası və digər əməliyyatlarda fəaliyyətindən danışıb.
Vəliyev qeyd edib ki, Azərbaycan öz ərazi bütövlüyünü və suverenliyini tam bərpa etmiş tərəfdaş kimi beynəlxalq sülhə və təhlükəsizliyə daha çox töhfə vermək niyyətindədir.
Kərim Vəliyev digər ölkələrdən olan həmkarları ilə bir sıra görüşlər keçirib.
Siyasət
-
Yanvarın 16-da Gürcüstanın xarici işlər naziri Maka Boçorişvili Bakıya rəsmi səfərə gəlib, yanvarın 17-də isə Gürcüstanın baş naziri İrakli Kobaxidze Bakıya gələcək, “Exo Kavkaza” hökumət mənbələrinə istinadən bildirib.
-
Avropa Şurası Parlament Assambleyasının Azərbaycanın monitorinqi üzrə həmməruzəçisi Lize Kristofersen (Norveç) və siyasi məhbuslar üzrə baş məruzəçisi Torhildur Sunna Evarsdottir (İslandiya) tanınmış azərbaycanlı vətəndaş fəalı Bəxtiyar Hacıyevin barəsində hökmdən dərin narahatlıqlarını ifadə ediblər.
-
Çərşənbə günü Bayden administrasiyası Rusiyaya qarşı yeni "kəskin" sanksiyaları və Moskvaya qarşı əvvəlki sanksiyaların sərtləşdirildiyini elan edib, Turan-ın Vaşinqton müxbiri bildirib.
-
“Azel” TV saytının rəhbəri Əfqan Sadıqovun Gürcüstandan Azərbaycana ekstradisiyası Avropa İnsan Hüquqları Məhkəməsinin qərarı ilə bir həftə müddətinə dayandırılıb. Bu barədə Gürcüstan Sosial Ədalət Mərkəzinin rəhbəri, Sadıqovun hüquqi müdafiəsini həyata keçirən Tamta Mikeladze Facebook-da yazıb.
Rəy yaz