Bakı/30.11.17/Turan: Bu gün Bakıda Azərbaycan, Türkiyə və Pakistan xarici işlər nazirləri - Elmar Məmmədyarov, Mövlut Çavuşoğlu və Kavaca Məhəmməd Asifin üçtərəfli formatda ilk görüşü keçiriləcək.
Nazirlər Azərbaycan, Türkiyə və Pakistan arasında üçtərəfli münasibətlərin genişləndirilməsi məsələlərini, beynəlxalq və regional məsələləri müzakirə edəcəklər.
Üçtərəfli görüşdən əvvəl nazirlər ikitərəfli formatda bir-birləri ilə görüşüblər.
Bu danışıqlar bu gün Bakıda başlayan Nazirlərin VII "Asiyanın qəlbi - İstanbul prosesi" konfransı çərçivəsində aparılır.
Əfqanıstana qonşu olan ölkələri (həm bilavasitə həmsərhəd ölkələri, həm də böyük regional oyunçuları) birləşdirən "İstanbul prosesi"nin məqsədi Əfqanıstanla praktiki qarşılıqlı münasibətləri inkişaf etdirməklə, bu ölkədə vəziyyəti sabitləşdirməkdən ibarətdir.
"İstanbul prosesi - Asiyanın qəlbi"ndə Əfqanıstan, Azərbaycan, Çin, Hindistan, İran, Qazaxıstan, Qırğızıstan, Pakistan, Rusiya, Səudiyyə Ərəbistanı, Tacikistan, Türkiyə, Türkmənistan, BƏƏ və BMT-dir. -06B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz