Azərbaycan Ukraynada NATO təlimlərində iştirak edəcək
ABŞ-ın və onun müttəfiqlərinin mindən çox hərbçisi “Rapid Trident” birgə təlimlərində iştirak etmək üçün Ukraynaya toplaşacaq. Bu barədə Reuters ABŞ ordusunun Avropa komandanlığının nümayəndəsi Qreqori Hiksa istinadən bildirib.
Bundan öncə hər il keçirilən təlimlərin əvvəlcə iyulda keçirilməsi planlaşdırılıb, lakin Ukraynanın şərqində vəziyyətlə əlaqədar təxirə salınıb. Təlimlərin keçirilməsi barədə qərar NATO ölkələrinin birbaşa münaqişəyə müdaxilə etmədən Ukraynanı dəstəkləmək niyyətində olduğunu göstərir.
Təlimlər sentyabrın 16-26-da Lvov vilayətinin Polşa ilə sərhəddəki Yavorov şəhərində təlim mərkəzində keçiriləcək. Təlimlərdə 200 amerikalı əsgərin iştirakı gözlənilir. Bundan əlavə, təlimlərə Ukrayna, Azərbaycan, Böyük Britaniya, Kanada, Gürcüstan, Almaniya, Latviya, Litva, Moldova, Norveç, Polşa, Rumıniya və İspaniyadan 1000-dən çox hərbi cəlb olunacaq.
Sentyabrın 4-də Uelsdə NATO sammiti işə başlayacaq. Sammitdə alyans üzvləri bir neçə min hərbçidən ibarət yeni çevik qüvvələrin yaradılması barədə qərar qəbul edəcəklər.
“NATO-nun çevik qüvvələri var – bu, çoxmillətli qüvvələrdir. Onlar kollektiv müdafiə üçün dünyanın hər yerində yerləşdirilib. Bundan sonra isə onlar çox yüksək hazırlıq dərəcəsinə və qısa müddətdə fəaliyyət göstərmək qabiliyyətinə malik olacaq”, - NATO-nun baş katibi Anders Foq Rasmussen bildirib.
Bu qüvvələr 4 minə yaxın hərbçini əhatə edəcək və 48 saat ərzində təhlükəni dəf etməyə qadir olacaq.
Azərbaycan Müdafiə Nazirliyinin mətbuat xidmətindən Turan-a bildirilib ki, azərbaycanlı hərbçilərin təlimlərdə iştirakı planlaşdırılır. -02D-
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz