Bakı/04.04.19/Turan: Azərbaycan və Aİ arasında yeni saziş üzrə danışıqlar yaxın günlərdə başa çata bilər. Bu barədə bu gün Azərbaycanın xarici işlər naziri Elmar Məmmədyarov Brüsseldə Aİ-Azərbaycan Əməkdaşlıq Şurasının 16-cı iclasında çıxış edərkən bildirib.
"Biz danışıqları yekunlaşdırmağa çox yaxınıq", deyə idarənin mətbuat xidməti nazirdən sitat gətirir. "
Bu yaxınlarda, biz danışıqları, onun bütün 3 hissələri üzrə sinxronlaşdırmağa müvəffəq olmuşuq. Belə ki, artıq 90 faizi razılaşdırıldığına görə bu gün bizim olduqca yaxşı imkanımız vardır... Mən danışıqları tezliklə yekunlaşdırmaq istiqamətində birgə imkanlarımızın mövcudluğu ilə bağlı müsbət fikirdəyəm", deyə o bildirib.
Məmmədyarov qeyd edib ki, tərəflər nəqliyyat sahəsində Aİ ilə ayrıca dialoqa başlayıblar. "Həmçinin biz vahid aviasiya üzrə saziş ilə bağlı danışıqlar aparırıq", deyə o bildirib.
Bundan başqa, Azərbaycan tərəfdaşları ilə birlikdə Cənub Qaz dəhlizinin tikintisini yekunlaşdırır, bu, bizə Azərbaycandan Aİ bazarına daha çox təbii qaz nəql etmək imkanı verəcək. Avropa üçün bu, yeni enerji təchizatı mənbəyi olacaq.
"Azərbaycan bunu mümkün etdi. Aİ bazarını Azərbaycandan daha çox qaz alması üçün daha cəlbedici etmək istəyirsə Aİ tərəfdaşlarımız daha çox səy göstərməlidir", deyə XİN başçısı bildirib. -06D-
Siyasət
-
28 noyabr 2024-cü il tarixində Polşanın Azərbaycandakı müvəqqəti işlər vəkili Mixal Qreçilo Xarici İşlər Nazirliyinə çağırılıb.
-
Bakı Ağır Cinayətlər Məhkəməsində Kamran Muxtarovun sədrliyi ilə narkotik vasitələrin qanunsuz dövriyyəsində ittiham olunan ictimai fəal Zəka Mirağayevin işi üzrə proses başa çatıb.
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
Rəy yaz