Azərbaycan və Albaniya liderləri ikitərəfli siyasi dialoqun yüksək səviyyədə olduğunu qeyd ediblər

Bakı/07.07.23/Turan: Azərbaycan prezidenti İlham Əliyevin və Albaniya prezidenti Bayram Beqayın görüşündə ikitərəfli münasibətlərin dərinləşdirilməsi məsələləri müzakirə olunub.

Azərbaycan dövlət başçısının saytının yaydığı məlumata görə, Əliyev görüşdə qeyd edib ki, iki ölkə arasında "çox sıx dostluq münasibətləri qurulub" və "yüksək səviyyədə siyasi dialoqun olduqca yaxşı dinamikası var".

"Mən bu münasibətləri əla adlandırardım və bu, beynəlxalq təsisatlarda qarşılıqlı dəstəkdə, enerji və iqtisadi inkişaf sahələrində praktiki fəaliyyətdə özünü göstərir", deyə Əliyev qeyd edib.

Öz növbəsində, Beqay "son illərdə ikitərəfli əməkdaşlığın həm siyasi, həm də iqtisadi sahədə dinamik şəkildə inkişaf etdiyini" qeyd edərək, Azərbaycan və Albaniya arasında əlaqələrin dərinləşdirilməsinin tərəfdarı olduğunu bildirib.

O, həmçinin qeyd edib ki, 2023-cü il ikitərəfli əlaqələr üçün əlamətdardır, belə ki, bu il iki ölkə arasında dilomatik münasibətlər qurulmasının 30 ili tamam olur. 06В