Açiq mənbələrdən foto.
Azərbaycan və Belarus əməkdaşlıq perspektivlərini müzakirə edirlər
Bakı/18.05.22/Turan: Mayın 18-də Bakıda Azərbaycan və Belarusun baş nazirləri Əli Əsədovla Roman Qolovçenko iqtisadi əməkdaşlığın gələcək inkişafı məsələlərini müzakirə ediblər.
Azərbaycan Nazirlər Kabinetinin mətbuat xidmətinin məlumatında deyilir ki, tərəflər pandemiyanın nəticələrinə baxmayaraq, iqtisadi əlaqələrin inkişafından məmnunluq ifadə ediblər.
"Ötən il ölkələr arasında əmtəə dövriyyəsi 885,5 milyon dollar olub ", - Belarusun “Belta” agentliyi Qolovçenkodan sitat gətirib.
Belarusun baş naziri belarusluların iştirakı ilə Gəncə Avtomobil Zavodunun bazasında taxılyığan kombaynların və digər kənd təsərrüfatı texnikalarının, eləcə də elektrobusların istehsalının təşkilini təklif edib.
O həmçinin qarşılıqlı idxal və ixracın artmasına tərəfdar olduğunu bildirib. "Biz Azərbaycana süd və ət məhsullarının tədarükünün artmasında, Azərbaycan meyvə və tərəvəzinin Belarusa tədarükündə maraqlıyıq", - baş nazir deyib.
2021-ci ildə Belarusla Azərbaycan arasında əmtəə dövriyyəsi 885,5 milyon dollar olub və bu il ərzində 1,9 dəfə artıb. Belarusun ixracı 478 milyon dollar (artım 2,5 dəfə) təşkil edib. Belarusun Azərbaycana ixrac etdiyi əsas məhsullar dəmir yolu və ya tramvay vaqonları, traktorlar, kərə yağı, dərman, mebel, turboreaktiv və turbovintli mühərriklər, qaz turbinləridir.
2021-ci ildə Azərbaycandan tomat, güclü spirtli içkilər, hazır və ya konservləşdirilmiş meyvə və qoz, təzə meyvə, meyvə-tərəvəz şirələri, ət və quş əti məhsulları, kartof, gil və digər mallar idxal edilib.
Azərbaycanda Belarusun 50-dən çox müəssisəsini təmsil edən 5 fərdi əmtəə paylama şəbəkəsi subyekti və 45 diler yaradılıb. “Gəncə Avtomobil Zavodu” İstehsalat Birliyinin bazasında traktor avadanlığının müştərək yığılması istehsalı mövcuddur.
2017-ci ildən Minskdə Azərbaycan Ticarət Evi fəaliyyət göstərir və ona Belarus bazarına ərzaq məhsulları qrupunun tədarükü üzrə güzəştli rejim tətbiq edilib.-0-
-
- Cəmiyyət
- 18 May 2022 18:28
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz