Bazar ertəsi prezident İlham Əliyevin Əfqanıstan prezidenti Əşrəf Qəni ilə görüşü keçirilib.
Azərbaycan dövlət başçısının mətbuat xidmətinin məlumatına görə, görüşdə iqtisadi və siyasi sahədə ikitərəfli münasibətlərin geniş aspektinə baxılıb.
“Əfqanıstan bizim üçün qardaş ölkədir və sizinlə əməkdaşlıq bizim üçün böyük maraq doğurur”, deyə Əliyev bildirib. O, əlaqələrin gələcəkdə də inkişaf etdirilməsi üçün imkan olduğunu qeyd edib.
Öz növbəsində, Əfqanıstan prezidenti Bakıya iqtisadi və siyasi dəstəyə, xüsusən ölkə iqtisadiyyatına investisiyalara görə minnətdarlıq edib.
Tərəflər həmçinin regional problemləri, o cümlədən Qarabağ münaqişəsini müzakirə ediblər.
Qeyd edək ki, Əşrəf Qəni ilə birlikdə bu ölkənin icra hakimiyyəti rəhbəri Abdulla Abdulla da Bakıya gəlib. -02D-
Siyasət
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
-
Bazar ertəsi Bakı Ağır Cinayətlər Məhkəməsində fəal Bəxtiyar Hacıyevin işi üzrə dinləmələr davam edib.
-
Dekabrın 23-də Bakı Ağır Cinayətlər Məhkəməsində "Kanal-11" YouTube resursunun rəhbəri Teymur Kərimovun işi üzrə proses davam edib. O, hədə yoluyla tələb etməkdə ittiham olunur.
-
Mossad (İsrailin xarici kəşfiyyat xidməti) rəhbəri David Barnea ölkənin siyasi rəhbərliyinə tövsiyə edib ki, husilərə yox, İrana zərbə endirsin, dekabrın 22-də Ynet bildirib.
Rəy yaz