![Azərbaycan və Ermənistan sərhədlərin delimitasiyası üzrə dövlət komissiyalarının iclaslarının reqlamentini təsdiq edib](https://turan.az/resized/news/2023/20RVpt8m2AZDoqr9HlGuhTTzD5KDZbwd5pSicxpz-750-500-resize.webp)
Azərbaycan və Ermənistan sərhədlərin delimitasiyası üzrə dövlət komissiyalarının iclaslarının reqlamentini təsdiq edib
Azərbaycan və Ermənistan sərhədlərin delimitasiyası üzrə dövlət komissiyalarının iclaslarının reqlamentini təsdiq edib
Bakı/14.12.23/Turan: Azərbaycan və Ermənistan sərhədlərin delimitasiyası üzrə dövlət komissiyaları arasında iclasların və birgə işçi görüşlərin təşkilinin və keçirilməsinin reqlamentini təsdiq edib
Sənədə əsasən, iclasların və birgə işçi görüşlərin keçirilməsi tarixi, vaxtı və yeri Komissiyaların Sədrləri arasında razılaşma ilə müəyyən olunur.
İclasların və birgə işçi görüşlərin işçi dilləri rus və ya ingilis dilləridir.
İclaslar və birgə işçi görüşlər bir qayda olaraq növbə ilə Azərbaycan və Ermənistan ərazilərində və ya iki ölkənin sərhədində, yaxud üçüncü ölkələrin ərazisində və ya videokonfrans formatında keçirilir.
Nümayəndə heyətlərinin tərkibində iştirak edən xarici ekspertlər yalnız nümayəndə heyətlərinin tərkibinə daxil olduqları Komissiyanın adından çıxış edə bilərlər.
Komissiyaların razılaşması ilə və birgə sorğu əsasında üçüncü tərəflər iclaslarda və birgə işçi görüşlərdə məşvərətçi yardım göstərə bilərlər.
İşçi və razılaşdırılmış sənədlərin layihələri və iclasların və birgə işçi görüşlərin protokolları da daxil olmaqla iclasların və birgə işçi görüşlərin gedişatı və yekunları barədə istənilən məlumat yalnız Komissiyaların Sədrləri arasında ilkin razılaşma olduğu halda üçüncü tərəfə ötürülə bilər.
İclasların və birgə işçi görüşlərin yekunları üzrə yazılı formada iki əsl nüsxədə rus və ya razılaşma ilə ingilis dillərində protokol tərtib olunur. Bir qayda olaraq iclasların və birgə işçi görüşlərin yekunları üzrə məzmunu Komissiyaların Sədrləri tərəfindən təsdiq olunan KİV üçün məlumat tərtib olunur və dərc olunur. Komissiyalar KİV üçün məlumatın razılaşdırılmış mətnlərini eyni vaxtda dərc edirlər.
Komissiyalar KİV üçün məlumatın məzmunu üzrə razılığa gəlmədikləri təqdirdə qarşılıqlı razılıq ilə Komissiyalar yalnız iclasların və birgə işçi görüşlərin keçirilməsi faktının qeyd olunması ilə məhdudlaşan məlumat dərc edirlər.
Bu reqlament Azərbaycan Respublikası Nazirlər Kabinetinin saytında dərc olunub. Sənəd baş nazir Əli Əsədov tərəfindən təsdiq edilib. 06В
Siyasət
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
-
Azərbaycan Prezidenti İlham Əliyev 2021-ci ilin fevral ayında fərmanla təsis edilmiş Prezidentin Təhlükəsizlik Xidməti haqqında Əsasnaməyə dəyişiklikləri təsdiqləyib.
-
Talış tədqiqatçısı İqbal Əbilov erməni kəşfiyyatı ilə əməkdaşlıq edərək dövlətə xəyanətdə ittiham olunur. Bu barədə Azərbaycanın bir sıra KİV-lərinin iyulun 24-də Əbilovu 4 ay müddətinə həbs edən Səbail Rayon Məhkəməsinin iclasına istinadən yaydığı məlumatda deyilir.
-
İyulun 24-də Bakı Ağır Cinayətlər Məhkəməsində fəal Məhəddin Orucovun işi üzrə hazırlıq iclası başlayıb.
Cəmiyyətdə aqressiyanın artmasının səbəbi nədir? – Samirə Qasımlı Çətin sualda
Xəbər lenti
-
- Cəmiyyət,
- 14:40
- 200
Rəy yaz