Bakı/12.07.18/Turan: Dünən Brüsseldə ATƏT-in Minsk Qrupu həmsədrlərinin vasitəçiliyi ilə Azərbaycan və Ermənistan XİN başçılarının - Elmar Məmmədyarov və Zoqrab Mnatsakanyanın görüşü keçirilib. Görüş 4 saata yaxın davam edib, bu barədə Azərbaycan XİN-in rəsmi nümayəndəsi Hikmət Hacıyev bildirib.
Bundan başqa, Məmmədyarov ATƏT-in Minsk Qrupunun həmsədrləri ilə ayrılıqda görüşüb.
Görüşlərdə Ermənistan-Azərbaycan münaqişəsinin nizamlanması üzrə danışıqlar prosesi müzakirə edilib və "mövcud danışıqlar formatının" davam etdirildiyi qeyd edilib", deyə Hacıyev bildirib.
Həmçinin danışıqlar prosesinin təşviqi üzrə növbəti addımlar və həmsədrlərin hərəkət planı haqqında fikir mübadiləsi aparılıb.
Qeyd edək ki, bu, bu ilin mayında Ermənistan hakimiyyəti dəyişdikdən sonra Azərbaycan və Ermənistan XİN başçılarının ilk görüşüdür. -06D-
Siyasət
-
Dünyanın bütün ölkələri bu onillik ərzində hər il emissiyaları 9% azaltmalıdır ki, qlobal istiləşmə 1,5 dərəcə Selsi səviyyəsində məhdudlaşdırılsın, BMT-nin Baş katibi Antonio Quterreş noyabrın 19-da Rio-de-Janeyroda keçirilən G20 Sammitində bəyan edib.
-
Noyabrın 19-da Səbail Rayon Məhkəməsi talış tarixinin tədqiqatçısı İqbal Əbilovun ilkin həbs müddətinin daha 4 ay uzadılması ilə bağlı istintaqın vəsatətini təmin edib. Bu barədə Turan-a vəkil Rövşanə Rəhimova bildirib.
-
Noyabrın 19-da COP29 çərçivəsində "İqlim ədaləti mülki məkan və əhəmiyyətli iştirak olmadan mümkün deyil" mövzusunda debatlar keçirilib.
-
Dövlət başçısının sərəncamları ilə Zamin Əliyev Türkiyənin Qars şəhərində, Vüqar Qurbanov Los-Ancelesdə, Firudin Süleymanlı Qazaxıstanın Aktau şəhərində; Süleyman Əzizov Gürcüstanın Batumi şəhərində Azərbaycanın baş konsulları təyin ediliblər.
Rəy yaz