Azərbaycan və Ermənistan XİN başçıları Vaşinqtonda görüşün yekunları haqqında
Bakı/21.06.19/Turan: Tərəflərin mövqeləri dəyişməyib, hər bir tərəf nizamlanmanı öz istədiyi kimi görür - Azərbaycan və Ermənistan xarici işlər nazirlərinin Vaşinqtonda dünənki görüşdən sonra verdikləri şərhlərdən belə nəticə çıxarmaq olar.
Danışıqlar "dərin və intensiv" xarakter daşıyırdı, 3 saatlıq görüş başa çatdıqdan sonra Azərbaycan XİN başçısı Elmar Məmmədyarov belə deyib.
O, təmas xəttində son vəziyyətin gərginləşməsini xoşagəlməz adlandırıb, bununla belə, onların danışıqların gedişatına təsir etməyəcəyini bildirib.
"Aramızda ciddi fərqlər qalmaqdadır. İrəli sürülən təklifləri başa düşürük, onlar əvvəlki təkliflərdir, biz artıq 15 ildir bu təklifləri müzakirə edirik. Daha çox siyasi iradə nümayiş etdirmək lazımdır", deyə Məmmədyarov jurnalistlərlə söhbətində bildirib.
O, "hərbiçilərin kazarmalara qayıdışını" tərəflər arasında etimadın bərpasının əsas elementi adlandırıb. Bundan başqa, tərəflərin əhalisinin sülhə hazırlanması üzrə səyləri davam etdirmək lazımdır.
Öz növbəsində, Ermənistanın XİN başçısı Zöhrab Mnatsakanyan təmas xəttində vəziyyətin gərginləşməsinin danışıqların gedişatına mənfi təsirini qeyd edib. Onun sözlərinə görə, Ermənistan üçün Dağlıq Qarabağ əhalisinin təhlükəsizliyi məsələsi əsas prioritet olaraq qalır.
"Bizim mövqeyimiz dəyişməyib, dəyişə də bilməzdi. Dağlıq Qarabağ maraqlı tərəf və bütün proseslərin subyektidir. Danışıqlarda irəliləyiş əldə etmək istəyimiz ciddidirsə, sabitlik hissi qorunub saxlanmalıdır. Bunu tamamilə aydın şəkildə bəyan etdik", deyə Mnatsakanyan bildirib. -02D-
-
- Cəmiyyət
- 21 İyun 2019 10:49
Siyasət
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
-
İran İsrailə vasitəçi vasitəsilə məlumat verib ki, oktyabrın 26-na keçən gecə İsrail qüvvələri tərəfindən həyata keçirilən hava hücumuna cavab addımları atmadan çəkiləcək. Bu barədə Sky News Arabia platforma X-dəki bloqunda anonim mənbəyə istinadən məlumat yayıb.
-
Səmada 100 təyyarə: İsrail üç saat ərzində İrana zərbələr endirib Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.
-
Scholars at Risk beynəlxalq şəbəkəsi (SAR - "Alimlər risk altında ") – akademik cameənin monitorinqi üzrə layihə Azərbaycanda talış tədqiqatçı İqbal Əbilovun cinayət təqibilə bağlı narahatlığını bildirib.
Rəy yaz