Azərbaycan və Ermənistan XİN başçılarının növbəti görüşü Moskvada keçirilə bilər
Bakı/05.04.19/Turan: Azərbaycan və Ermənistan XİN başçılarının növbəti görüşü, çox güman ki, Moskvada keçirilə bilər. Bu barədə cümə günü jurnalistlərlə söhbətində Azərbaycan XİN başçısı Elmar Məmmədyarov bildirib.
Onun sözlərinə görə, Rusiya XİN başçısı Sergey Lavrov da bu görüşdə iştirak etməyə razılığını bildirib.
Məmmədyarov qeyd edib ki, aprelin 5-də Lavrovla görüşdə onlar "Qarabağ münaqişəsinin nizamlanmasını ətraflı müzakirə ediblər".
Nazir Lavrovun münaqişənin ən qısa zamanda həllində maraqlı olduğunu qeyd edib.
Azərbaycan prezidenti İlham Əliyevin və Ermənistan baş naziri Nikol Paşinyanın Vyana görüşünə toxunan Məmmədyarov qeyd edib ki, görüş ümumilikdə göstərib ki, "çətinliklə olsa da, təmas nöqtələri sezilir". "Təbii ki, heç kim bunun tez baş verməsini gözləmir", deyə nazir vurğulayıb.
Onun fikrincə, Ermənistan Azərbaycanla münasibətləri düzəltməsə, onun gələcəyi yoxdur. "Ermənistan yeni iqtisadi layihələrdən danışır, amma orada,n demək olar ki, heç kim qalmayıb, bütün ağıllı insanlar ölkəni tərk ediblər, Ermənistan iqtisadi inqilabı kiminlə və kimin üçün həyata keçirəcək?", deyə Məmmədyarov qeyd edib. -06d--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz