Azərbaycan və Ermənistan XİN rəhbərlərinin görüşü iyunda keçiriləcək

Mayın sonları – iyunun əvvəllərində ATƏT-in Minsk Qrupunun həmsədrləri Azərbaycan və Ermənistanın xarici işlər nazirləri görüşlər keçirəcəklər.

Bu danışıqların məqsədi iyunda iyunda nazirlərin görüşünü təşkil etməkdir.

Bu barədə qeyri-rəsmi məlumat cümə axşamı yayılıb.

Bir qədər əvvəl Ermənistan XİN rəhbəri Edvard Nalbandyan təsdiq edib ki, iyunun əvvəllərində MQ həmsədrlərinin Ermənistan və Azərbaycan XİN rəhbərləri ilə ayrı-ayrı görüşləri gözlənilir. Nazirlərin özlərinin görüşünə gəlincə, Nalbandyan bu məlumatı təsdiq etməyib.

Bu gün jurnalistlərlə söhbətində o bildirib ki, hələlik görüşü harada və nə vaxt keçiriləcəyi qərarlaşdırılmayıb.

Onun sözlərinə görə, nazirlərin görüşü danışıqlar prosesinin bərpasına həsr olunacaq.

Azərbaycan XİN hələlik bu məlumatları şərh etmir.

Xatırladaq ki, mayın 16-da Vyanada Azərbaycan və Ermənistan prezidentlərinin, habelə həmsdər ölkələrin XİN rəhbərlərinin iştirakı ilə keçirilən görüşdə danışıqlar prosesinin davam etdirilməsi və etimad tədbirlərinin işlənib hazırlanması məqsədilə növbəti görüşün iyunda təşkil edilməsi qərara alınıb. -02D-