Azərbaycan və Ermənistanın münasibətlərində "daha fəal diplomatiyaya ehtiyac var" - Dövlət Departamentinin nümayəndəsi

Çərşənbə axşamı Bayden Administrasiyasının Avropa və Avrasiya məsələlərinə görə cavabdeh olan yüksək vəzifəli nümayəndəsi Ermənistan və Azərbaycan sərhədində sonuncu hərbi gərginliklə bağlı şərh verib.

"Düşünürəm ki, hazırkı gərginlik daha fəal diplomatiyanın vacibliyini bir daha nümayiş etdirir", deyə dövlət katibinin köməkçisi Ceyms O'Brayn Turan-ın müxbirinə bildirib və əlavə edib ki, "biz tərəflərin mövqelərini yaxınlaşdırmaq cəhdlərini davam etdirəcəyik".

O'Brayen jurnalistlərlə dövlət katibi Entoni Blinkenlə birlikdə Avropaya səfər etməzdən əvvəl söhbət edib. Onlar Münhen Təhlükəsizlik Konfransında iştirak edəcəklər. Azərbaycan prezidenti İlham Əliyevin və Ermənistan baş naziri Nikol Paşinyanın da tədbirdə iştirak edəcəyi gözlənilir.

O'Brayen Turan-ın Münhendə hər hansı konkret görüşlərin keçirilib-keçirilməyəcəyi haqqında sualına cavab verməkdən yayınıb.

Münhendə Blinkenin gündəliyinə gəlincə, o, dövlət katibinin dörd mövzuya toxunacağını bildirib: Ukraynanın, Yaxın Şərqin dəstəklənməsi, Tayvan boğazında sülhün dəstəklənməsinin vacibliyi, beynəlxalq institutlarda əməkdaşlığın vacibliyi.

O'Brayen həmçinin Turan-ın xahişi ilə Macarıstanın İsveçin NATO-ya daxil olmasına qarşı çıxması ilə bağlı şərh verib. Onun sözlərinə görə, ABŞ fevralın 26-da Macarıstan parlamentinin növbəti sessiyasında bu məsələyə baxacağına və İsveçin NATO-ya üzvlüyünə razılıq verəcəyinə ümid edir.