Azərbaycan və Gürcüstan prezidentlərinin görüşünün yekunları
Bakı/27.02.19/Turan: Azərbaycan Gürcüstanla əlaqələrin inkişafına böyük önəm verir. Bu gün Bakıda keçirilən görüş və danışıqlar bu əlaqələrin gələcəkdə dərinləşməsinə xidmət edir. Bu barədə çərşənbə günü prezident İlham Əliyev Gürcüstan prezidenti Salome Zurabişvili ilə birgə keçirdiyi mətbuat konfransında bildirib.
İ.Əliyevin sözlərinə görə, Azərbaycan və Gürcüstan beynəlxalq arenada bütün məsələlərlə bağlı bir-birini dəstəkləyir. Bu gün regionu qlobal energetika və nəqliyyat layihələri olmadan təsəvvür etmək mümkün deyil. Həmin layihələr təkcə Azərbaycanla Gürcüstanı birləşdirməyib, həm də qlobal əhəmiyyət kəsb etməklə bir çox ölkəni cəlb edib.
Sonra İ.Əliyev Azərbaycanda gürcülərə, Gürcüstanda isə azərbaycanlılara qarşı yaxşı münasibətin olduğunu qeyd edib.
Cavab sözündə S.Zurabişvili deyib ki, İ.Əliyevlə bütün sahələrlə bağlı ətraflı söhbət ediblər. O, regional energetika və nəqliyyat layihələrində Gürcüstanın iştirakını yüksək qiymətləndirib.
O bildirib ki, İ.Əliyevi Batumiyə Avropa İttifaqının nəqliyyat konfransına dəvət edib. O həmçinin iki ölkə arasında mədəni əlaqələrin möhkəmləndirilməsinə tərəfdar olduğunu bildirib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz