Bakı/27.02.19/Turan: Ermənistanın baş naziri Nikol Paşinyan və İran prezidenti Həsən Ruhani çərşənbə günü Tehranda bir sıra ikitərəfli və regional məsələləri müzakirə ediblər.
Yekun mətbuat konfransında H.Ruhani deyib ki, İran Ermənistanın "İrana qarşı ədalətsiz sanksiyalar" ilə bağlı mövqeyindən razıdır.
Ölkələrimiz üçüncü ölkənin bizim əməkdaşlığa müdaxilə etməsinə imkan verməməyi qarşıya məqsəd qoyur.
İqtisadi əməkdaşlıq baxımından böyük potensial var və ondan daha yaxşı istifadə olunmalıdır. Energetika sahəsində Ermənistanla İran arasında "elektrik enerjisinin müqabilində qaz" layihəsi həyata keçirilir.
Digər mövzu isə Şimal-Cənub magistralına aiddir. İran tərəfi bu proqramda iştiraka hazır olduğunu bildirib, H. Ruhani deyib.
"Biz Ermənistana qaz nəqlinin həcminin artırılmasına və Gürcüstana qaz ixracı üzrə üçtərəfli əməkdaşlığa başlamağa hazırıq", - H.Ruhani bildirib.
Öz növbəsində N.Paşinyan qeyd edib ki, İran qazının Ermənistana nəqlinin artırılması məsələsində qiymətlə bağlı razılığa gəlmək lazımdır. "Bu, sövdələşmənin cəlbediciliyi kontekstində mühüm məsələdir", - o vurğulayıb.
Eyni zamanda o bildirib ki, Ermənistan İran qazının Gürcüstana nəqli üçün tranzit ölkə olmağa hazırdır.
"Həmin məsələlərin həlli üçün siyasi iradə var", - o qeyd edib.-02D-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz