Azərbaycan və İran Hərbi Dəniz Qüvvələri komandanlarının görüşü
Bakı/05.12.23/Turan: Bu gün Bakıda Azərbaycan və İran Hərbi Dəniz Qüvvələrinin komandanları Sübhan Bəkirov və Şəhram İrani iki ölkə arasında hərbi-dəniz sahəsində əməkdaşlığın inkişaf perspektivlərini müzakirə ediblər.
Azərbaycan Müdafiə Nazirliyinin mətbuat xidməti bildirib ki, görüşdə hərbi qulluqçuların peşəkarlığının artırılması, eləcə də qarşılıqlı təcrübə mübadiləsi məqsədilə Xəzər dənizində birgə təlimlərin keçirilməsinin vacibliyi qeyd olunub.
Həmçinin qarşılıqlı maraq doğuran bir sıra məsələlərə dair ətraflı fikir mübadiləsi aparılıb.
İran nümayəndə heyətinə Azərbaycan Hərbi Dəniz Qüvvələri haqqında məlumat verilib.—06D-
Siyasət
-
Azərbaycan parlamenti mövcud bələdiyyələrin birləşdirilməsi yolu ilə yeni bələdiyyələrin yaradılmasını təsdiqləyib. Bu addım inzibati səmərəliliyi və yerli idarəetməni gücləndirmək məqsədi daşıyır. Qərar, "Bələdiyyələrin Birgə Fəaliyyəti, Birləşməsi, Ayrılması və Ləğvi haqqında" qanuna edilmiş dəyişikliklər əsasında, Konstitusiyanın 95-ci maddəsinə uyğun olaraq qəbul edilib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Almaniyanın xarici işlər naziri Annalena Berbok COP29-da iqlim dəyişikliyilə bağlı mübarizənin maliyyələşdirilməsi məsələsində Bakının mövqeyini haqsız hesab edib.
-
Noyabrın 25-də Qafqaz Müsəlmanları İdarəsinin sədri, şeyxülislam Allahşükür Paşazadə Birləşmiş Millətlər Təşkilatı Sivilizasiyalar Alyansının 10-cu Qlobal Forumunda iştirak etmək üçün Portuqaliyaya gedir. Bu barədə Qafqaz Müsəlmanları İdarəsinin məlumatında deyilir.
Rəy yaz