Açiq mənbələrdən foto.
Bakı/24.09.21/Turan: Nyu-Yorkda Birləşmiş Millətlər Təşkilatı Baş Assambleyasının 76-cı sessiysında iştirak edən xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb, Xarici İşlər Nazirliyinin mətbuat xidməti məlumat yayıb.
Görüş zamanı Azərbaycanla İran arasında əməkdaşlığın bütün sahələrdə inkişaf etdiyi qeyd olunub.
Nazirlər ikitərəfli münasibətlərə dair bir sıra məsələləri, həmçinin iqtisadi, energetika, ticarət, kənd təsərrüfatı və digər sahələrdə əməkdaşlıq perspektivlərini müzakirə ediblər.
Həmçinin tərəflər regionda hazırkı vəziyyəti müzakirə ediblər. Bayramov azad edilmiş ərazilərdə bərpa, yenidənqurma və reinteqrasiya prosesləri barədə iranlı həmkarına məlumat verib.
Öz növbəsində Abdullahian vurğulayıb ki, İran Azərbaycanla hərtərəfli münasibətlərin inkişafında maraqlıdır.
Görüşdə qarşılıqlı maraq doğuran məsələlər də müzakirə olunub, məlumatda deyilir. 02D-
Siyasət
-
Noyabrın 15-də zoomüdafiəçi Kamran Məmmədli COP29 iqlim konfransı ərazisində etiraz aksiyası keçirərkən saxlanılıb. O, küçə itlərinin vurulmasına etiraz edib.
-
"Abzas Media"nın həbsdə olan jurnalistlərin təzyiqə məruz qaldıqları bildirilir. Jurnalistlərin yaxınlarının məlumatına görə, Nərgiz Absalamova saxlandığı 1 saylı Bakı İstintaq Təcridxanasında noyabrın 14-də nəzarətçi tərəfindən təhqirə məruz qalıb.
-
Noyabrın 15-də Tbilisi Şəhər Məhkəməsi Azərbaycanın Azel.Tv saytının rəhbəri Əfqan Sadıqovun Gürcüstanda siyasi sığınacaq almaq müraciətinə imtina cavabı ilə bağlı şikayətinə mahiyyəti üzrə baxıb.
-
ABŞ uzun müddətdir ki, Azərbaycanla energetika və fosil yanacaq tullantıları üzrə əməkdaşlıq edir. Əsasən, söhbət CO2 karbon dioksid tullantılarını azaldan və təmiz enerjiyə keçidə kömək edən texnologiyalardan gedir. Bu barədə noyabrın 15-də Bakıda COP29 zamanı mətbuat konfransında ABŞ-ın energetika naziri Cennifer M.Qranholm Turan-ın “Bərpa olunan və yaşıl enerjiyə keçiddə ABŞ Azərbaycana necə kömək edə bilər? sualının cavabında deyib
Rəy yaz