Recep Tayyip Erdogan.
Bakı/24.09.21/Turan: Bir neçə ölkənin platforması çərçivəsində regional əməkdaşlıq ideyası ilə bağlı Ermənistandan müsbət siqnallar gəlir. Bu barədə Türkiyə prezidenti Rəcəb Tayyip Ərdoğan Nyu-Yorka Birləşmiş Millətlər Təşkilatı Baş Assambleyasına səfəri başa çatdıqdan sonra jurnalistlərə bildirib.
"Biz əməkdaşlıqla bağlı Ermənistanın baş naziri Nikol Paşinyandan müsbət siqnallar alırıq, həmçinin müəyyən addımlar atmağı planlaşdırırıq", - o bildirib.
Ərdoğanın sözlərinə görə, ayın sonunda Soçidə Rusiya prezidenti ilə görüşdə bu mövzunu müzakirə etməyi planlaşdırır.
Xatırladaq ki, Ərdoğan "Altılıq platforması" ideyasını İkinci Qarabağ Müharibəsi başa çatdıqdan sonra irəli sürüb. Platforma üç Cənubi Qafqaz ölkəsinin – Azərbaycan, Gürcüstan və Ermənistanın öz qonşuları Türkiyə, Rusiya və İranla iqtisadi, siyasi əməkdaşlığını nəzərdə tutur. Gürcüstandan başqa digər ölkələr təklifi dəstəkləyiblər. Gürcüstan onun ərazilərini işğal etmiş Rusiya ilə əməkdaşlığın mümkün olmadığını bildirib-02D-
Siyasət
-
Noyabrın 15-də zoomüdafiəçi Kamran Məmmədli COP29 iqlim konfransı ərazisində etiraz aksiyası keçirərkən saxlanılıb. O, küçə itlərinin vurulmasına etiraz edib.
-
"Abzas Media"nın həbsdə olan jurnalistlərin təzyiqə məruz qaldıqları bildirilir. Jurnalistlərin yaxınlarının məlumatına görə, Nərgiz Absalamova saxlandığı 1 saylı Bakı İstintaq Təcridxanasında noyabrın 14-də nəzarətçi tərəfindən təhqirə məruz qalıb.
-
Noyabrın 15-də Tbilisi Şəhər Məhkəməsi Azərbaycanın Azel.Tv saytının rəhbəri Əfqan Sadıqovun Gürcüstanda siyasi sığınacaq almaq müraciətinə imtina cavabı ilə bağlı şikayətinə mahiyyəti üzrə baxıb.
-
ABŞ uzun müddətdir ki, Azərbaycanla energetika və fosil yanacaq tullantıları üzrə əməkdaşlıq edir. Əsasən, söhbət CO2 karbon dioksid tullantılarını azaldan və təmiz enerjiyə keçidə kömək edən texnologiyalardan gedir. Bu barədə noyabrın 15-də Bakıda COP29 zamanı mətbuat konfransında ABŞ-ın energetika naziri Cennifer M.Qranholm Turan-ın “Bərpa olunan və yaşıl enerjiyə keçiddə ABŞ Azərbaycana necə kömək edə bilər? sualının cavabında deyib
Rəy yaz