Açiq mənbələrdən foto.
Cümə günü Azərbaycan və İranın xarici işlər nazirləri Ceyhun Bayramovla Hüseyn Əmir Abdullahianın telefon danışığı olub. Nazirlər iki ölkə arasında münasibətlərin müxtəlif aspektlərinin inkişafından məmnunluq ifadə ediblər. Bu barədə Azərbaycan Xarici İşlər Nazirliyinin məlumatında deyilir.
Son həftə İranın yol və şəhərsalma naziri Rüstəm Qasiminin Azərbaycana səfərinin nəticələri və əldə olunmuş razılıqlar, habelə Azərbaycan müdafiə naziri Zakir Həsənovun İrana səfəri və bu çərçivədə keçirilmiş görüşlər iki ölkə arasındakı əlaqələrin inkişafının bariz göstəricisi kimi vurğulanıb.
Tərəflər birgə layihələrin həyata keçirilməsini, Astaraçay üzərində təməli qoyulmuş yeni körpünün, eləcə də İran Astarasında dəmir yolu yük terminalının tikintisinin 2022-ci ildə tamamlanmasının hədəflənməsinin ikitərəfli əlaqələrin inkişafına müsbət təsir edəcəyini qeyd ediblər.
İki ölkə arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının növbəti iclasının bu ilin martında Bakıda keçirilməsinin planlaşdırıldığı məmnunluqla bildirilib. 06В-
Siyasət
-
Yanvarın 7-də Bakı Ağır Cinayətlər Məhkəmıəsində hakim Səbuhi Hüseynovun sədrliyi ilə Azərbaycan Xalq Cəbhəsi Partiyasının (AXCP) fəalı Mehman Əliyevin cinayət işi üzrə məhkəmə istintaqı başlayıb.
-
Yanvarın 7-də dövlət başçısı İlham Əliyev yerli telekanallara müsahibə verib. Saat 18:00-a qədər müsahibənin məzmzunu açıqlanmayıb.
-
Dekabrın sonlarında Naxçıvan Ağır Cinayətlər Məhkəməsində Naxçıvan Muxtar Respublikasının (NMR) keçmiş maliyyə naziri Rafael Əliyevə və Naxçıvan Gömrük Komitəsinin keçmiş şöbə rəisi Mənsur Əsgərova qarşı cinayət işi üzrə proses başa çatıb. Hər iki şəxs başqa şəxslərlə əlbir olaraq dövlət büdcəsinin vəsaitlərini mənimsəməkdə ittiham olunurdular.
-
"Respublikaçı Alternativ" Partiyası (REAL) 29 yanvar bələdiyyə seçkiləri ərəfəsində iqtisadi fəaliyyət imkanlarını genişləndirmək məqsədilə yerli hakimiyyət orqanlarında islahatlar proqramı təklif edib.
Rəy yaz