Bakı/07.11.17/Turan: Ötən gün Stokholmda Azərbaycan XİN rəhbəri Elmar Məmmədyarovun isveçli həmkarı Marqot Vallström ilə görüşündə Azərbaycanın İsveç və Avropa İttifaqı (Aİ) ilə münasibətləri müzakirə olunub.
Nazirlər iqtisadi əməkdaşlıq məsələlərini müzakirə ediblər, İsveç şirkətlərinin Azərbaycanda fəaliyyətinin qənaətbəxş olduğunu vurğulayıblar.
E. Məmmədyarov Azərbaycanın iştirakı və təşəbbüsü ilə həyata keçirilən Cənubi Asiya ilə Şimali Avropanı birləşdirən Şimal-Cənub dəmir yolu xəttindən İsveçin də faydalana biləcəyini diqqətə çatdırıb.
Həmçinin Aİ ilə Azərbaycan arasında strateji tərəfdaşlığa dair saziş üzrə aparılan danışıqlarla, noyabrın 24-də Brüsseldə Aİ-nin "Şərq Tərəfdaşlığı" ölkələri ilə keçirəcəyi sammitlə bağlı fikir mübadiləsi aparılıb.
Qarabağ münaqişəsinə toxunan E.Məmmədyarov güc tətbiq edərək dövlətlərin beynəlxalq səviyyədə tanınmış sərhədlərinin pozulması cəhdlərinin qəbuledilməz olduğunu deyib: "Avropa İttifaqının Qlobal təhlükəsizlik strategiyasında təsbit olunduğu kimi, dövlətlərin suverenliyi və ərazi bütövlüyü kimi təməl prinsiplərə sadiqliyin bütün münaqişələrə münasibətdə qeyri-seçimli əsasda, vahid və birmənalı şəkildə ifadə olunması vacibdir". -06D-
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz