Azərbaycan və Moldova sosialistlərinin liderlərinin bir-birinə məktubu

Azərbaycan Proqressiv-Sosialist Partiyası (APSP) və Moldova Respublikasının Sosialist Partiyasının (MRSP) rəhbərləri Rüstəm Şahsuvarov və İqor Dodon noyabrın 30-da Moldovada keçirilən parlament seçkilərində MRSP-nin uğuru ilə bağlı bir-birinə məktub göndəriblər.

APSP liderinin məktubunda deyilir: APSP ölkənizdə keçirilən parlament seçkilərində MRSP-nin bu gözəl uğurunu ruh yüksəkliyi ilə qarşılayır. Azərbaycan sosialistləri hesab edirlər ki, MRSP-nin şəxsində Moldova seçiciləri bu partiyanın Avropa İttifaqı ilə ağır şərtli sazişdən imtina və Moldova xalqının əsl maraqlarına uyğun olaraq Gömrük İttifaqına daxil olmağa yönəlmiş kursuna etibarını ifadə edib.

Azərbaycan sosialistləri moldovalı həmkarlarını seçkilərdə əla nəticə və Moldovanın soçlu, sosialist qüvvələri düşərgəsində onlar üçün yeni olan lider rolu münasibətilə səmimi qəlbdən təbrik edirlər”.

MRSP sədri İ.Dodon cavab məktubunda Azərbaycan sosialistlərinə MRSP-nin ünvanına təbriklərə görə minnətdarlığını bildirib.

“Azərbaycandakı həmkarlarımızdan və yoldaşlarımızdan dəstək görmək bizim üçün çox xoşdur. Fəaliyyətimizə olan diqqətinizə görə sizə səmimi minnətdarlığımızı bildiririk. Partiyalarımız arasında əməkdaşlığın və qarşılıqlı anlayışın inkişafından məmnun olarıq”, deyə Moldava sosialistlərinin lideri İ.Dodonun ARSP sədri R.Şahsuvarova ünvanladığı məktubda qeyd edilir.

* Noyabrın 30-da Moldovada parlament seçkiləri keçirilib. Seçki dairələrindən alınmış protokolların 100%-nin sayılmasından sonra Sosialist Partiyası (MRSP) səslərin 20,51%-ni (25 mandat), liberal-demokatlar (MLDP) 20,16% (23 mandat), Kommunist Partiyası (MRKP) 17,48% (21 mandat), demokratlar 15,8% (19 mandat), liberallar 9,67% (13 mandat) alıb. -0-