![Azərbaycan və Rusiya Xarici İşlər nazirlikləri arasında siyasi məsləhətləşmələr](https://turan.az/resized/news/2024/XtdNCzKVSDKMBvAm7cc4YXB0T8wlnWlUPMNPAfqx-750-500-resize.webp)
Azərbaycan və Rusiya Xarici İşlər nazirlikləri arasında siyasi məsləhətləşmələr
Azərbaycan və Rusiya Xarici İşlər nazirlikləri arasında siyasi məsləhətləşmələr
İyulun 23-də Moskvada Azərbaycan və Rusiya Xarici İşlər nazirlikləri arasında siyasi məsləhətləşmələrin növbəti raundu keçirilib.
Məsləhətləşmələrdə nümayəndə heyətlərinə Azərbaycan tərəfindən xarici işlər nazirinin müavini Samir Şərifov, qarşı tərəfdən isə xarici işlər nazirinin müavini Mixail Qaluzin rəhbərlik ediblər.
Azərbaycan Xarici İşlər Nazirliyinin mətbuat xidməti bildirib ki, Azərbaycan-Rusiya ikitərəfli əməkdaşlığın mövcud vəziyyəti və inkişaf perspektivləri, gündəlikdə duran və qarşılıqlı maraq kəsb edən beynəlxalq və regional məsələlər ətrafında geniş fikir mübadiləsi aparılıb.
Görüşdə iki ölkə liderləri arasında qarşılıqlı etimada əsaslanan və ikitərəfli gündəliyi formalaşdıran yüksək səviyyəli siyasi dialoqun dövlətlər arasında müttəfiqlik qarşılıqlı fəaliyyətin əsasını təşkil etməsi məmnunluqla vurğulanıb.
Siyasi məsləhətləşmələr zamanı iki ölkə arasında iqtisadi-ticarət, mədəni-humanitar, eləcə də beynəlxalq və regional təşkilatlar və formatlar çərçivəsində əməkdaşlıq və digər məsələlər müzakirə olunub, ikitərəfli müqavilə-hüquq bazası və baxılmaqda olan layihələr nəzərdən keçirilib.
Həmin gün nazir müavini Samir Şərifov ilə Rusiya xarici işlər nazirinin müavini Aleksandr Qruşko arasında da görüş keçirilib. Görüş zamanı beynəlxalq və regional təhlükəsizlik məsələləri, eləcə də hər iki ölkənin iştirak etdiyi regional formatlar çərçivəsində əməkdaşlıq məsələləri ətrafında fikir mübadiləsi aparılıb.
Bununla yanaşı, Samir Şərifov ilə Rusiya Federasiyası prezidentinin xüsusi nümayəndəsi, Xəzər dənizi məsələləri üzrə danışıqlarda Rusiya nümayəndə heyətinin rəhbəri Mixail Petrakov arasında keçirilmiş görüşdə Xəzər məsələləri üzrə əməkdaşlığın hazırki vəziyyəti və inkişaf dinamikası müzakirə olunub.
Siyasət
-
Səhər saatlarından fəal və araşdırmaçı Cavid Ağa ilə əlaqə saxlamaq mümkün deyil. Sosial şəbəkələrdəki məlumata görə, Ağa təhsilini davam etdirmək üçün bu səhər saat 06:50-də Bakıdan xaricə getməliydi.
-
Avqustun 27-də Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə şahid Ramil Babayevin ifadələri dinlənilib.
-
Avqustun 27-də Avropada və onun hüdudlarından kənarda insan hüquqlarının müdafiəsinə vətəndaş cəmiyyətinin təsirinə görə verilən insan hüquqları sahəsində Vatslav Havel mükafatının seçim komissiyası 2024-cü ilin mükafatına namizədlərin siyahısını açıqlayıb.
-
Neftçala şəhərində Olimpiya İdman Kompleksinin administrasiyası deputatlığa namizəd Tənzilə Rüstəmxanlının seçicilərlə görüşünə “Meydan” TV müstəqil onlayn nəşrinin jurnalistlərini buraxmayıb.
Rəy yaz