Azərbaycan və Türkiyə liderləri aprelin 24-də Çanakkale döyüşünün 100 illiyini qeyd edəcəklər
Türkiyə və Azərbaycan prezidentləri – Recep Tayyip Erdoğan və İlham Əliyev 24 aprel 2015-ci il tarixində Çanakkale şəhərində türk ordusunun qəhrəmancasına qələbə qazanmasının 100 illiyini qeyd edəcəklər. Bu barədə iki ölkə liderinin bu gün Ankarada keçirdikləri mətbuat konfransında bildirilib.
Əliyev yubileyin qeyd edilməsi üçün bu tarixin seçilməsini “müdrik addım” adlandırıb.
Qeyd edək ki, aprelin 24-də Ermənistan Yerevanda 1915-ci ildə Osmanlı Türkiyəsində “erməni soyqırımı”nın 100 illiyini qeyd etməyi planlaşdırır.
Çanakkale döyüşünün 100 illiyinin aprelin 24-nə təyin edilməsi Türkiyə rəhbərliyinin Yerevandakı tədbirlərdə iştirakdan imtinası deməkdir.
Çanakkale döyüşü Birinci Dünya Müharibəsinin ən önəmli hadisələrindən biridir, o, həmçinin “Dardanel əməliyyatı” kimi məşhurdur.
1915-ci ildə müttəfiqlərin birləşmiş qoşunları Dardanel boğazını keçib İstanbulu fəth etməyə çalışıblar. Lakin türk ordusu düşmənin qarşısını alıb, ona məhvedici zərbə endirib. -06D-
Siyasət
-
Fevralın 12-də dövlət başçısı İlham Əliyev dünən Bakıya rəsmi səfərə gələn Somali prezidenti Hasan Şeyx Mahmud ilə görüşüb. Bu barədə Azərbaycan prezidentinin saytında yer alan məlumatda bildirilir.
-
Fevralın 11-də Çinin CGTN (China Global Television Network) telekanalı Azərbaycan prezidenti İlham Əliyevin yanvarın 20-də Davosda verdiyi müsahibəni dərc edib. Azərbaycanın dünya siyasətində rolu və yeri haqqında suala cavabda Əliyev deyib ki, "Azərbaycanın regional sabitliyə verdiyi töhfə" qlobal, beynəlxalq aktorlar tərəfindən qiymətləndirirlir.
-
Fevralın 11-də Bakı Məhkəmə Kompleksində Qarabağ separatçılarının işi üzrə proses davam etdirilib. Prokurorlar ittiham aktının Azərbaycanın işğal edilmiş ərazilərində azərbaycanlı əhalinin kütləvi qətlləri, Ermənistan və erməni separatçıları tərəfindən törədilən terrorçuluq faktlarına aid hissəsini oxuyublar.
-
Çərşənbə axşamı axşam saatlarında ABŞ prezidenti Donald Tramp Rusiyanın azad etdiyi amerikalı müəllimi Ağ Evdə salamlayıb və jurnalistlərə deyib ki, "sabah daha bir nəfəri azad edəcəklər, sizə onun haqqında məlumat veriləcək", xəbəri Turan-ın Vaşinqtondakı müxbiri verib.
Rəy yaz