Bakı/11.03.20/Turan: Martın 11-də Bakıda Azərbaycan və Türkmənistan prezidentləri arasındakı danışıqlardan sonra ikitərəfli sənədlərin imzalanması mərasimi keçirilib.
Əsasən miqrasiya sahəsində əməkdaşlıq, hər iki paytaxtda Türkmənistan və Azərbaycan səfirlikləri üçün qarşılıqlı şəkildə torpaq sahəsinin ayrılması haqda hökumətlərarası sazişlər imzalanıb.
19 may 2008-ci il tarixli avtomobil əlaqələri haqqında hökumətlərarası sazişə dəyişikliklərin edilməsi haqqında protokol imzalanıb.
Nəqliyyat və rabitə sahəsində tərəfdaşlığın genişləndirilməsinə yönəldilənlər: İnformasiya-kommunikasiya texnologiyaları sahəsində əməkdaşlıq haqqında memorandum, həmçinin Xəzər dənizinin dibi ilə Türkmənistandan Azərbaycana optik- lif rabitə əlaqəsinin çəkilişi və istismarı haqqında memorandum, Azərbaycan Dövlət Mülki Aviasiya Agentliyi və Türkmənistanın Aviasiya sahəsində Dövlət Agentliyi arasında protokol.
Xəzərin biomüxtəlifliyinin qorunması və öyrənilməsi üzrə əməkdaşlıq haqqında protokol imzalanıb.
Humanitar sahədə dialoqa kömək edəcək sənədlər: Türkmənistan Elmlər Akademiyası Dil və Əlyazmalar İnstitutu ilə Azərbaycan Elmlər Akademiyası Ədəbiyyat İnstitutu arasında əməkdaşlıq haqqında saziş; iki ölkənin dövlət teleradioları arasında əməkdaşlıq haqqında saziş; dövlət kitabxanaları arasında anlaşma memorandumu; Türkmənistan Seysmologiya İnstitutu və Azərbaycan İdarəetmə Sistemləri İnstitutu arasında anlaşma memorandumu; Türkmənistan Dövlət Universiteti ilə Bakı Dövlət Universiteti arasında əməkdaşlıq haqqında protokol.
Həmçinin tərəflər dövlət əmlakının idarə edilməsi və özəlləşdirilməsi sahəsində əməkdaşlıq haqqında anlaşma memorandumu imzalayıblar. Bundan əlavə, daşınma əmlak hüququnun dövlət qeydiyyatı sahəsində əməkdaşlıq haqda memorandum; torpaq kadastrı sahəsində əməkdaşlıq haqda memorandum; Türkmənistan Sənayeçiləri Birliyi ilə Azərbaycan Kiçik və Orta Biznesin İnkişafı Agentliyi arasında anlaşma memorandumu; Türkmənistan Ticarət və Sənaye Palatası ilə Azərbaycanda İxracın və İnvestisiyaların Təşviqi Fondu arasında anlaşma memorandumu imzalanıb.—06В-
Siyasət
-
Yanvarın 21-də Bakı Ağır Cinayətlər Məhkəməsində Abzas Media nəşrinin işi üzrə proses davam edib. Məhkəmə nəşrin direktoru Ülvi Həsənlinin ifadəsini dinləyib. O, ona qarşı irəli sürülmüş ittihamları rədd edib.
-
Görünür, Kremlin ABŞ-da Donald Trampın hakimiyyətə gəlişinin Rusiya üçün sərfəli olacağı haqqında ümidləri özünü doğrultmayıb.
-
Yanvarın 21-də Milli Məclisin spikeri Sahibə Qafarova İtaliyaya rəsmi səfərə gəlib, bu barədə Azərbaycan hökumətinin mətbuat xidməti məlumat yayıb.
-
Qış mövsümü ilə əlaqədar olaraq kommunikasiya və kommunal xidmətlərin təminatında qarşılaşdığı çətinliklərə görə Sumqayıtdan yaşayış yerini dəyişərək Bakıya köçən Qubad İbadoğlu iki həftədir ki, qeydiyyata düşmək üçün həftənin 2-ci və 4-cü günləri yenə də Sumqayıt şəhər 1 saylı polis bölməsinə gedir.
Rəy yaz