Azərbaycan və Türkmənistan prezidentləri ikitərəfli münasibətləri müzakirə ediblər

Türkiyənin Bodrum şəhərində türkdilli ölkələrin sammiti çərçivəsində iyunun 4-də Azərbaycan və Türkmənistan prezidentləri arasında görüş keçirilib.

Türkmənistan lideri Əliyevə beynəlxalq təşəbbüsləri: enerji təhlükəsizliyi, nəqliyyat şəbəkələri infrastrukturunun inkişafı məsələlərini dəstəklədiyinə görə təşəkkür edib.

Berdımuhammedov iki ölkənin XİN-i arasında əməkdaşlığın və ticarət-iqtisadiyyat sahəsində əlaqələrin konstruktiv şəkildə inkişaf etdiyini qeyd edib.

“Yadımdadır ki, Xəzər dənizi məsələləri ilə bağlı Bakı sammitində yaxşı direktiv sənədlər qəbul etmişdik. Əlbəttə, Xəzər dənizi yaxşı qonşuluq, sülh dənizi olub və belə də qalacaq. Mütəxəssislərimizin ekologiya, Xəzərin florasının və biosferasının qorunub saxlanması üzrə apardığı işlərin yaxşı nəticələr verəcəyindən əminəm”, deyə Türkmənistan lideri bildirib.

Öz növbəsində, İlham Əliyev qeyd edik ki, Türkmənistan prezidenti tərəfindən qaldırılan məsələlərlə “baxışları tam üst-üstə düşür”.

“Biz siyasi münasibətlərimizin möhkəmləndirilməsinə meylliyik. Həmçinin, şadıq ki, iqtisadi sahədə ticarət dövriyyəsi artır.

Enerji təhlükəsizliyinin, nəqliyyat təhlükəsizliyinin təmin edilməsi məsələsini ölkələrimiz, demək olar ki, paralel həll edir. Bu, vəziyyəti düzgün qiymətləndiririk və ölkələrimizin inkişafını iqtisadiyyatın möhkəmləndirilməsində və regional əməkdaşlığın inkişaf etdirilməsində görürük”, deyə Əliyev bildirib.

Ölkələrimizdə enerji sektorunun inkişafı paralel templərlə gedir ki, bu da ölkələrimizin rifahına xidmət edir. Düşünürəm ki, bu layihələr, həmçinin Xəzərdə təhlükəsizliyin təmin edilməsi, Xəzər hövzəsində ekoloji balansın qorunub saxlanılması üzrə birgə səylər vəziyyətin müsbət inkişafına şərait yaradacaq”, deyə Əliyev bildirib.

İyunun 5-də Türkiyə prezidentinin iştirakı ilə daha bir görüş keçirilib, görüşdə üçtərəfli məsələlər müzakirə olunub, məlumatı Azərbaycan prezidentinin saytı yayıb. -02D-