Azərbaycan Xarici İşlər Nazirliyi Ermənistanı sülhə çağırır və işğal olunmuş 8 kəndi xatırladır

Bakı/07.11.23/Turan: Müharibə bitdikdən dərhal sonra Bakının sülh təşəbbüslərinə baxmayaraq, Ermənistan sülh müqaviləsinin bağlanması üzrə danışıqlara mane olmaq yolunu seçib. Bu barədə 8 noyabr Qələbə Günü ilə bağlı Azərbaycan Xarici İşlər Nazirliyinin bəyanatında deyilir.

«Azərbaycan iki ölkə arasında münasibətlərin normallaşmasına, eləcə də Qarabağda yaşayan ermənilərin reinteqrasiyasına sadiq qalır, Ermənistanı sülh prosesində konstruktiv və ədalətli mövqe nümayiş etdirməyə, regionun reallıqlarını düzgün anlamağa çağırır", - bəyanatda deyilir.

Azərbaycan Xarici İşlər Nazirliyi onu da xatırladır ki, erməni tərəfi 90-cı illərin əvvəllərində işğal olunmuş 8 kəndi hələ də azad etməyib.

Qarabağda erməni silahlı birləşmələr və separatçı rejim aradan qaldırıldıqdan sonra sülh və sabitlik üçün geniş imkanlar var, bəyanatda deyilir.

Qeyd edək ki, Azərbaycanın sözügedən 8 kəndi Qazax rayonu ilə Ermənistanın İcevan rayonu sərhədində yerləşir. Daha bir kənd Ermənistanla Naxçıvan sərhədində yerləşir. 02D